بااثر قبضہ مافیا نے بیوہ خاتون اور کمسن یتیم بچوں کی زندگی اجیرن بنا دی،اعلیٰ حکام سے نوٹس کا مطالبہ

بورے والا(چوہدری اصغر علی جاوید سے)بااثر قبضہ مافیا نے بیوہ خاتون اور کمسن یتیم بچوں کی زندگی اجیرن بنا دی،443 بھٹو کالونی کے بااثر قبضہ مافیا نے یتیم بچوں سے عارضی چھت بھی چھین لی،مشترکہ کھیوٹ کی آڑ میں دو کنال ملکیتی اراضی سے بیوہ اور یتیموں کو بے دخل کرنے کی کوشش،سخت دھوپ اور بارشوں میں بے سہارا خاندان چھت سے بھی محروم،متاثرہ خاندان اور اہل علاقہ کا ڈی سی وہاڑی سے نوٹس لینے کا مطالبہ،تفصیلات کے مطابق نواحی آبادی 443(ای بی) بھٹو کالونی کے رہائشی غریب محنت کش شفیع محمد کی وفات کے بعد اسکے بیوی بچے جو کہ عارضی طور پر نواحی گاﺅں 283(ای بی) میں رہائش پزیر تھے اسکی وفات کے بعد انہوں نے نواحی گاﺅں 443(ای بی) بھٹو کالونی میں اپنی دوکنال(8)مرلہ ملکیتی اراضی پر سر چھپانے کیلئے مکان کی تعمیر شروع کی تو اسے گاﺅں کے بااثر شخص مبارک علی نے 15 پر اطلاع کر کے پولیس بلوا لی پولیس نے مجھے پکڑ کر تھانے لے جاکر بند کر دیا جس پر اہل دیہہ نے مداخلت کر کے مجھے رہائی دلوائی مبارک علی نے جعل سازی سے انکی ملکیتی اراضی کی تقسیم محکمہ مال کی مبینہ ملی بھگت سے مشترکہ کھیوٹ کی آڑ میں اپنی ملکیت کا دعویٰ کر کے انکو مکان کی تعمیر سے روک دیا جس پر میں اور میرے معصوم بچے جنکے پاس سر چھپانے کی کوئی جگہ نہ تھی کھلے آسمان تلے گھر کا سامان رکھ کر کڑی دھوپ میں رہنے پر مجبور ہو گئے ہیں گزشتہ دنوں شدید بارشوں کے دوران ہم نے عارضی طور پر سر چھپانے کیلئے زمین میں خندق کھود کر اسکے اوپر جھونپڑی بنائی تو بااثر قبضہ مافیا نے وہ جھونپڑی بھی گرا دی بیوہ خاتون پروین اختر نے میڈیا کو بتایا کہ اسکے خاوند نے اپنی زندگی میں یہ دو کنال(8) مرلہ اراضی خرید کر رکھی ہوئی تھی جو ہماری ساری جمع پونجی ہے لیکن اب مبارک علی جسکی زمین دوسری جگہ ہے لیکن اس نے دھوکہ دہی سے محکمہ مال کو تقسیم کی درخواست دیکر یکطرفہ طور پر ہماری زمین کی تقسیم اپنے نام منتقل کروا لی جس میں اسکا قریبی رشتہ دار پٹواری رحمت علی بھی ملوث تھا جس نے یہ جعل سازی کروائی ہے اب ہم نے اس جعلی تقسیم کے خلاف ڈی سی وہاڑی کو درخواست دیدی ہے لیکن ابھی تک ہماری درخواست پر کوئی انکوائری شروع نہیں ہوئی کیونکہ مبارک علی نے اپنے رشتہ دار پٹواری رحمت علی سے ملکر ہماری درخواست مبینہ طور پر دبا دی ہے ہمارے پاس رہنے اور سر چھپانے کی اسکے علاوہ کوئی جگہ نہیں لیکن مبارک علی نے ہمارے لئے زمین تنگ کردی ہے اہل علاقہ نے بھی میڈیا کو بتایا کہ یہ جگہ بیوہ اور اسکے یتیم بچوں کی ملکیت ہے مبارک علی کی زمین کہیں اور ہے وہ ناجائز قبضہ کرنے کی کوشش کر رہا ہے متاثرہ خاندان نے وزیر اعلیٰ پنجاب اور ڈی سی وہاڑی سے انصاف کے حصول کا مطالبہ کیا ہے۔