معاشرتی مسائل کے حل میں کمیونٹی کا کردار بہت اہمیت کا حامل ہے۔عرفان علی،نجیب الرحمن
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ معاشرتی مسائل کے حل میں کمیونٹی کا کردار بہت اہمیت کا حامل ہے،انصاف کی فراہمی ہمارے ایمان کا حصہ ہے،مظلوم کو انصاف کی فراہمی اور ظالم کو کیفر کردار تک پہنچا کر ہی ہم معاشرتی برائیوں کا خاتمہ کر سکتے ہیں،وکلاء برادری انصاف کی فراہمی میں اپنا کردار ادا کریں،بورے والا کی وکلاء برادری سمیت تمام سٹیک ہولڈرز نے ہمیشہ مثبت اور تعمیری سوچ کے ساتھ مسائل کے حل میں اپنی توانائیاں صرف کی ہیں،سماجی شعبہ میں بورے والا کی سول سوسائٹی کی خدمات قابل ستائش ہیں،ان خیالات کا اظہار انہوں نے بار روم میں بار ایسوسی ایشن کی جانب سے منعقدہ استقبالیہ تقریب سے خطاب کرتے ہوئے کیا تقریب سے ڈی پی او وہاڑی نجیب الرحمان بگوی نے خطاب کرتے ہوئے کہا کہ پولیس جرائم میں کمی،عوام کی جان و مال کے تحفظ اور مقدمات کے چالان جلد مکمل کر کے عدالتوں کے سپرد کرنے پر خصوصی توجہ دے رہی ہے سابقہ دور میں ڈی پی او آفس میں بھرتی 500(بوگس) ملازمین کو فارغ کر دیا گیا اور اسکے ذمہ داروں کے خلاف اعلیٰ سطحی تحقیقات جاری ہیں ہم ضلع وہاڑی پولیس میں کرپشن کے خاتمے اور عوام کو فوری انصاف کی فراہمی پر خصوصی توجہ دے رہے ہیں تھانوں سے کرپٹ اہلکاروں کو مرحلہ وار تبدیل کیا جا رہا ہے جس سے پولیس کے خلاف عوامی شکایات میں کمی واقع ہو گی تقریب سے صدر بار ملک فرقان یوسف اور سابق صوبائی وزیر چوہدری محمود اختر گھمن نے بھی خطاب کیا جبکہ اس موقع پر اسسٹنٹ کمشنر حسنین خالد سنپال،اے ایس پی آصف رضا،سیکرٹری بار چوہدری خرم ریاض،جوائنٹ سیکرٹری وقاص شریف خادم،فیاض احمد بھٹہ،حاجی رحمان کھوکھر،ملک فاروق احمد اعوان،چوہدری عمران ارشاد،چوہدری حبیب احمد،ریاض احمد کاہلوں،ہمایوں شکیل چیمہ،حاجی رشید احمد بھٹی،مبین احمد بھٹی،حافظ عاطف ریاض،چوہدری ابرار مہار جٹ اور دیگر وکلاء بھی موجود تھے۔
About Author
