خواتین کو معاشی طور پر مضبوط بنانا ہماری اولین ترجیح ہے۔صائمہ بتول

بورے والا(چوہدری اصغر علی جاوید سے)سدھار ڈویلپمنٹ آرگنائزیشن کی چیئرپرسن صائمہ بتول نے کہا ہے کہ حکومت پنجاب کی پالیسی کے تحت خواتین کو معاشی طور پر مضبوط بنانا تاکہ وہ ہنر حاصل کر کے مردوں کے ساتھ شانہ بشانہ کھڑی ہوں اور اپنے آپ کوبرسرِ روزگار بنا سکیں،ان خیالات کا اظہار انہوں نے ڈسٹرکٹ منیجر ٹیوٹا میڈم عائشہ رحمان کی ہدایت پر گورنمنٹ ووکیشنل انسیٹیوٹ برائے خواتین میں دو روزہ ملبوسات کی نمائش کا افتتاح کرنے کے بعد میڈیا سے گفتگو کرتے ہوئے کیا اس موقع پر صدر”ایمرا“ ندیم انجم سندھو،محمد شیر خاں کھچی،مسعود عابد رشید،غلام فرید کھچی کے علاوہ خواتین کی بڑی تعداد نے شرکت کی اس نمائش میں بچوں،خواتین اور مردوں کے لباس بہترین ورائٹی اور کم قیمت پر دستیاب ہیں نمائش کا مقصد کم عرصہ میں لڑکیوں کو سلائی سکھا کر اپنے پاﺅں پر کھڑا کرنا ہے پرنسپل ظل ہما چشتی نے بتایا کہ ملبوسات کی نمائش (ڈی وی او،ڈی وی جی) میٹرک ووکیشنل،ڈومیسٹک ٹیلرنگ اور فیشن ڈیزائینگ میں ہنر سیکھنے والی طالبات شامل ہیں دریں اثناء سدھار ڈویلپمنٹ آرگنائزیشن کی چیئرپرسن صائمہ بتول نے سوشل ورکر فرح بتول،ساجدہ احسان،ثمینہ اصغر،عابدہ جمیل،سمیرا اسلم،عذرا پروین،ماہم صادق،حافظہ زرینہ اعجاز اور دیگر کے ہمراہ گورنمنٹ ووکیشنل انسیٹیوٹ برائے خواتین میں لگائے گئے سٹال کا دورہ بھی کیا۔