بزرگان دین کی برکات سے معاشرے کو فیض یاب ہونے کی اشد ضرورت ہے ۔ ڈاکٹر محمد ظفر اقبال
اسلام آباد(نامہ نگار)اسلام آباد علماء کونسل انٹرنیشنل کے چیئرمین ڈاکٹر محمد ظفر اقبال جلالی نے کہا ہے کہ اوقاف کی آمدنی سے بزرگان دین کی تعلیمات و افکار کی ترویج و اشاعت پر خرچ کرنے چاہیے،بزرگان دین کی برکات سے معاشرے کو فیض یاب ہونے کی اشد ضرورت ہے،مزارات پر میلہ ٹھیلہ خواتین کا بے پردہ مخلوط ماحول شرعاً ناجائز ہے اور مزارات کا طواف اور سجدہ بھی ناجائز اور حرام ہے،تصوف اور طریقت شریعت کے تابع ہے،ان خیالات کا اظہار انہوں نے مرکز اہلسنت جامعہ اسلام آباد میں جمعتہ المبارک کے عظیم الشان اجتماع سے خطاب کرتے ہوئے کیا انہوں نے کہا کہ شریعت کی پیروی کیے بغیر کوئی ولی اللہ نہیں ہو سکتا اولیاء اللہ کی صحبت اور مجلس سو سالہ بے ریا عبادت سے بہتر ہے نیک آدمی کی صحبت اور مجلس سے ظاہر کے ساتھ ساتھ باطن بھی سنورتے ہیں تقویٰ اور پرہیزگاری کی دولت نصیب ہوتی ہے اور انہوں نے خاتون ممبر قومی اسمبلی عائشہ گلالئی کے الزامات اور کردار پر بات کرتے ہوئے کہا کہ تعفن زدہ بے حیاء ماحول کی وجہ سے ایسے الزامات اور کردار سامنے آرہے ہیں جو زبان پر لانے بھی معیوب ہیں صوفیاء کرام اور اولیاء اللہ کی خانقا ہیںر شدو ہدایت کا مبنی ہیں اور ان کی حاضری سے روحانی تسکین میسر آتی ہے آخر میں شہدائے پولیس اور افواج پاکستان کے شہید ہونے والے نوجوانوں و افسران کے ساتھ ساتھ تحریک آزادی پاکستان کے شہداء کے بلندی درجات کے لیے خصوصی دعا کی گئی۔
About Author
