موجودہ حکومت بجلی صارفین کی شکایات کے فوری ازالہ کیلئے ہر ممکن اقدامات کر رہی ہے۔عبدالواحد
بورے والا(چوہدری اصغر علی جاوید سے)سپرٹنڈنٹ انجنیئر میپکو سرکل وہاڑی ریٹس عبدالواحد نے کہا ہے کہ موجودہ حکومت بجلی صارفین کی شکایات کے فوری ازالہ کیلئے ہر ممکن اقدامات کر رہی ہے،واپڈا نے واووربلنگ کے خاتمے،بجلی کی بلاتعطل فراہمی اور لوڈشیڈنگ کے خاتمہ کیلئے ٹھوس اقدامات کیے ہیں،بجلی کی بندش،بلوں کی درستگی،میٹرز کی تبدیلی اور دیگر شکایات کے ازالہ کیلئے میپکو دفاتر میں خصوصی کاﺅنٹر قائم کیے گئے ہیں اگر شکایات کاﺅنٹرز پر کسی بھی صارف کا مسئلہ حل نہ ہو تو وہ براہ راست متعلقہ سب ڈویژنل آفیسر یا ڈپٹی منیجر آپریشن سے رابطہ کرے میپکو کے متعلق عوامی شکایات کو صارفین کی دہلیز پر حل کرنے کیلئے کھلی کچہریوں کا انعقاد کیا جا رہا ہے جس کے حوصلہ افزاء نتائج برآمد ہو رہے ہیں،ان خیالات کا اظہار انہوں نے اڈا ظہیر نگر پر منعقدہ عوام کی کھلی کچہری سے خطاب کرتے ہوئے کیا کھلی کچہری میں مختلف نوعیت کی 22(شکایات) موصول ہوئیں جن پر ایس ای میپکو نے موقع پر احکامات جاری کرتے ہوئے انہیں تین سے چار روز میں حل کرنے کی ہدایات جاری کیں اس موقع پر ڈویژنل ایگزیکٹو انجنیئر چوہدری محمد اکرم جاوید،ایس ڈی اوز منیر حسین زادی،رشید الرحمن،ظفر علی گجر،نور احمد نور اور عاطف علی بھٹی بھی موجود تھے۔
About Author
