ڈی سی وہاڑی اور ڈی پی او کی جامع مسجد ڈی بلاک میں کھلی کچہری

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا اور ڈسٹرکٹ پولیس آفیسر نجیب الرحمن بگوی نے جامع مسجد ڈی بلاک بورے والا میں کھلی کچہری کا انعقاد کیا،کھلی کچہری میں لوگوں نے ٹریفک سیوریج،تجاوزات،صفائی اور دیگر اجتماعی مسائل پیش کیے جس پر ڈپٹی کمشنر عرفان علی کاٹھیا اور ڈسٹرکٹ پولیس آفیسر نجیب الرحمن بگوی نے موقع پر حل کرنے کے احکامات جاری کیے اس موقع پر اسسٹنٹ کمشنر بورے والا حسنین خالد سنپال،تحصیلدار بورے والا محمد ظفر علی مغل،سی او ضلع کونسل میاں اظہر جاوید اور دیگر ضلعی افسران بھی موجود تھے ڈپٹی کمشنر عرفان علی کاٹھیا نے گفتگو کرتے ہوئے کہا کہ سیوریج اور صفائی کے مسائل ترجیحی بنیادوں پر حل کیے جائیں گے تجاوزات کے خاتمے کیلئے دوبارہ بھرپور مہم شروع کی جائے گی اور اپ گریڈ ہونے والے سکولوں میں اساتذہ اور دیگر سٹاف جلد تعینات کر دیئے جائیں گے انہوں نے ایک شخص کی شکایت پر کہ تعلیمی اکیڈمیوں کی وجہ اہل علاقہ کو ٹریفک،پارکنگ اور دیگر مسائل پیدا ہو رہے ہیں جس پر ڈپٹی کمشنر عرفان علی کاٹھیا نے کہا کہ سی ای او ایجوکیشن اور اسسٹنٹ کمشنر بورے والا مشترکہ طور پر معاملات کا جائزہ لے کر ان مسائل کو حل کریں گے ڈسٹرکٹ پولیس آفیسر نجیب الرحمن بگوی نے کہا کہ سکیورٹی اور امن و امان پر خصوصی توجہ دی جا رہی ہے ٹریفک کے مسائل کو حل کرنے کیلئے جامع حکمت عملی وضع کی جائے گی شہر میں دن کے اوقات میں ہیو ی ٹریفک کا داخلہ ممنوع ہو گا رکشوں پر گانے چلانے پر پابندی ہو گی نوجوانوں کو ون ویلنگ سے روکنے کیلئے ایک سپیشل سکوارڈ بنایا جائے گا تاکہ قیمتی جانوں کو بچایا جاسکے۔