اسسٹنٹ کمشنر،محکمہ زراعت اور پولیس کا مشترکہ چھاپہ،لاکھوں روپے کی جعلی کھاد برآمد
بورے والا(چوہدری اصغر علی جاوید سے)اسسٹنٹ کمشنر،محکمہ زراعت اور پولیس کا مشترکہ چھاپہ،معصوم شاہ روڈ پر جعلی کھاد بنانی والی فیکٹری پکڑی گئی،فیکٹری سے جعلی کھاد بنانے والے بین الصوبائی گروہ کے سات ارکان گرفتار،فیکٹری سے سینکڑوں بوری جعلی کھاد مشینری اور دیگر سامان قبضہ میں لے لیا گیا،جعلی کھاد محکمہ خوارک پنجاب کے تھیلوں میں بھر کر پنجاب اور دیگر صوبوں میں سپلائی کی جاتی تھی،تفصیلات کے مطابق اسسٹنٹ کمشنر بورے والا حسنین خالد سنپال کو اطلاع ملی کہ معصوم شاہ رتہ ٹبہ روڈ 473 ای بی کی ایک ویران کاٹن فیکٹری کے احاطہ میں جعلی کھاد بنانے کا دھندہ جاری ہے جس پر انہوں نے اسسٹنٹ ڈائریکٹر زراعت اسماعیل وٹو اور انسپکٹر پیسٹی سائیڈ محمد طاہر اور پولیس ٹیم کے ہمراہ چھاپہ مار کر موقع سے جعلی کھاد بنانے والے بین الصوبائی گروہ کے سات افراد کو گرفتار کر لیا فیکٹری میں تیار کی جانے والی جعلی کھاد کو محکمہ خوراک پنجاب کے تھیلوں میں بھر کر پنجاب سمیت صوبوں میں سپلائی کی جاتی تھی جس کی وجہ سے کسانوں کا معاشی استحصال اور زرعی پیداوار بری طرح متاثر ہو رہی تھی اسسٹنٹ کمشنر حسنین خالد سنپال نے بتایا کہ دو ماہ قبل بھی اسی فیکٹری کو جعلی کھاد بنانے پر سیل کیا گیا تھا لیکن اسکے مالک نے غیر قانونی طور پر گزشتہ دونوں سیل ٹوڑ کر دوبارہ سے یہ دھندہ شروع کر لیا تھا اسسٹنٹ ڈائریکٹر زرعت اسماعیل وٹو نے بتایا کہ اس فیکٹری میں ڈی اے پی جعلی کھاد سمیت دیگر جعلی کھادیں بھی تیار کی جا رہی تھیں قبل ازیں بھی اس فیکٹری کے مالک سرور اور اسکے کارندوں کیخلاف مقدمہ درج کیا گیا تھا۔
About Author
