میپکو بورے والا نام نہاد یونین لیڈر کا قبضہ ہے،میپکو آفس میں کلم چھوڑ ہڑتال ہے۔ذوالفقار اعوان

بورے والا(چوہدری اصغر علی جاوید سے)پاکستان کسان اتحاد کے مرکزی کوآرڈینٹر ملک ذوالفقار اعوان نے کہا ہے کہ میپکو بورے والا نام نہاد یونین لیڈر کا قبضہ ہے جو کہ سرکاری وسائل استعمال کرتے ہوئے واپڈا اہلکاروں کو عوام اور حکومت کے خلاف بھڑکانے کا سبب بن رہے ہیں،ائیر کنڈیشنر کمروں میں واپڈا افسران اور یونین کے لیڈر ملکر آئے روز دفاتر کو تالے لگا کر احتجاج شروع کر دئیے ہیں جس سے عام آدمی جو کہ دور دراز کے علاقے اپنے کام کے سلسلے میں دفتر آتے ہیں تو پتہ چلتا ہے میپکو آفس میں کلم چھوڑ ہڑتال ہے،ان خیالات کا اظہار ملک ذوالفقار علی اعوان مرکزی کواڈینٹر نے گذشتہ روز پاکستان کسان اتحاد کے ضلعی دفتر میں کسانوں کے اجتماع سے خطاب کرتے ہوئے کیا انہوں نے کہا کہ میپکو کے اہلکار ضلع بھر کے دفاتر میں حاضری لگا کر دفتروں سے غیر حاضر رہنا ان وطیر بن چکا ہے صارفین نے قلم چھوڑ ہڑتال کو غیر قانونی قرار دیا اور کہا کہ اس دن کی تنخواہ کاٹ کر سرکاری خزانے میں جمع کروائی جائے نام نہاد یونین کے لیڈروں اور افسران کو اگر اتنا شوق ہے تو دفتری اوقات کے بعد احتجاج کیا جائے کسان اتحاد کے عہدیداران نے وزیر اعظم عمران خان،وفاقی وزیر پانی و بجلی،چیف میپکو اور ضلعی انتظامیہ سے نوٹس لینے کا مطالبہ کیا ہے اس موقع پر ندیم سجاد،محمد مہران،محمد بوٹا،ماسٹر محمد اشفاق،ارشاد الحق،چوہدری اصغر،ملک سفیان،نصرف نمبردار،محمد رفیق وٹو،ملک طاہر عباس اور دیگر کسان بھی موجود تھے دریں اثناء اس سلسلہ میں جب میپکو کمپلیکس سب ڈویژن بورے والا کے یونین چیئرمین چوہدری شاہد باری چوہان سے رابطہ کیا گیا تو انہوں نے بتایا کہ پاکستان کسان اتحاد کے ممبران سے ٹیوب ویل کے بلوں کے بقایات کی وصولی کیے جب رابطہ کرتے ہیں تو ہمارے ملازمین کو دھمکیاں دی جاتی ہیں ہم میپکو ملازمین حکومت پاکستان سے مطالبہ کرتے کہ ہمیں تحفظ فراہم کیا جائے۔