سنگدل باپ نے 8ماہ کی شیرخوار بچی کو ماں کی مامتہ سے چھین لیا،بیرون ملک لے جانے کی کوشش

بورے والا(چوہدری اصغر علی جاوید سے)سنگدل باپ 8ماہ کی شیر خوار بچی کو بہانہ سے اپنے ساتھ لے گیا،وہ بچی کو اپنے ساتھ بیرون ملک لے جا ئیگا،اس کو باہر جانے سے روکا جائے بچی کی والدہ متاثرہ خاتون کی اعلیٰ حکام سے داد رسی کی اپیل،تفصیلات کے مطابق نواحی گاﺅں 497 ای بی کی رہائشی خاتون آسیہ بی بی نے اپنے بھائی عبدالحمید کے ہمراہ میڈیا کے نمائندوں کو بتایا کہ اس کا خاوند محمد حامد رضا بابا شیری شہید بھمبر آزاد کشمیر کا رہائشی ہے اور وہ پہلے بھی شادی شدہ ہے اور بیرون ملک میں بسلسلہ روزگار رہتا ہے گذشتہ کئی روز سے آیا ہوا تھا اس نے میرے بھائی کو مسقط لے جانے کا جھانسہ دے رکھا تھا گزشتہ روز اس نے ہم سے 6لاکھ روپے لئے کہ ٹریول ایجنٹ کو بجھوانے ہے اور گھر کی الماری سے میرے زیورات بھی نکال لئے جو بعد میں معلوم ہوا اس نے میرے بھائی اور آٹھ ماہ کی شیر خوار بچی کو بھی ساتھ لے کر شہر آنے کے لئے تیار ہو گیا جب میں بچی کے بارے پوچھا تو اس نے کہا کہ شہر سے چکر لگوا کر لے آﺅ نگا،شہر آکر اس نے میرے بھائی کو کالج روڈ پر کھڑا کر کے کہا کہ وہ ٹریول ایجنٹ کو روم جمع کروا کے واپس آتا ہے تم یہیں پر انتظار کرو لیکن دو روز گزرنے کے بعد واپس نہیں آیا آسیہ بی بی نے خدشہ ظاہر کیا ہے کہ اس نے یہ ساری کاروائی اپنی پہلی بیوی اور میری سوتن کے کہنے پر کی ہے اور وہ بچی کو اپنے ساتھ بیرون ملک لے جائیگا،ممتا کی ستائی دکھی ماں نے اعلیٰ حکام سے مطالبہ کیا ہے کہ اس کی بچی کو جلد بازیاب کرایا جائے اور اس کو ملک سے باہر جانے سے روکا جائے۔