واپڈا نے ایک کروڑ اضافی یونٹس ڈال کر صارفین کا معاشی قتل کیا ہے۔ذوالفقار اعوان

بورے والا(چوہدری اصغر علی جاوید سے)پاکستان کسان اتحاد کے مرکزی کوآرڈینٹر ملک ذوالفقار اعوان نے کہا ہے کہ میپکو بورے والا پر نام نہاد یونین لیڈر کا قبضہ ہے جو کہ سرکاری وسائل استعمال کرتے ہوئے واپڈا اہلکاروں کوعوام اور حکومت کے خلاف بھڑکانے کا باعث بن رہے ہیں،ائیرکنڈیشنر دفاتر میں بیٹھ کر واپڈا افسران اور اہلکاروں کو یرغمال بنائے ہوئے ہیں بورے والا ڈویژن میں کسانوں مزدوروں اور عام صارفین کو ایک کروڑ اضافی یونٹس ڈال کر عوام کو حکومت کے خلاف سڑکوں پر لایا جا رہا ہے بجلی چوروں کی سرپرستی کرنے کے علاوہ واپڈا کے تمام ملازمین بالخصوص یونین لیڈرز نے فری سپلائی کے نام پر اپنے گھروں میں منی گرڈ اسٹیشن بنا رکھے ہیں جہاں سے اردگرد کے گھروں کو بجلی فروخت کر کے ماہانہ لاکھوں یونٹس خسارے کا باعث بن رہے ہیں نچلے درجے کے وہ ملازمین جو یونین لیڈر بن کر سارا دن افسران کے برابر انکے دفاتر میں بیٹھ کر سرکاری وسائل کا بے دریغ استعمال کر رہے ہیں یہ ناصرف محکمہ بلکہ پوری قوم پر بوجھ ہیں میپکو میں یونین بازی کی وجہ سے واپڈا شدید خسارے کا شکار ہے اداروں میں بیٹھ کر اپنی سیاست چمکانے کا اگر شوق ہے تو ملازمت چھوڑ کر سیاست میں آجائیں وزیر اعظم اور وفاقی وزارت پانی و بجلی اس مسئلے کا فوری نوٹس لے کر ان کرپٹ اہلکاروں کو ملازمت سے فارغ کرے تاکہ واپڈا کا خسارہ پورا ہوسکے،ان خیالات کا اظہار نہوں نے میڈیا کے نمائندوں سے گفتگو کرتے ہوئے کیا۔