آبادی میں اضافہ اور بے روزگاری جرائم میں اضافے کی بنیادی وجہ ہے۔نجیب الرحمان

بورے والا(چوہدری اصغر علی جاوید سے)ڈسٹرکٹ پولیس آفیسر وہاڑی نجیب الرحمان بگوی نے کہا ہے کہ جرم ہمارا معاشرتی مسئلہ ہے آبادی میں اضافہ،غربت و افلاس اور بے روزگاری جرائم میں اضافے کی بنیادی وجہ ہے ہماری آبادی کی اکثریت 15سے 25سال کی عمر کے لوگوں پر مشتمل ہے،ہمارا اپنے بچوں پر کنٹرول نہیں ہے ضلع وہاڑی کی آبادی 3.1ملین ہے جبکہ پولیس کی نفری 1400 ہے جن میں سے ایک تہائی جوان ملک کی دفاعی ڈیوٹی پر ہیں اس کے باوجود ہم اپنے وسائل میں رہتے ہوئے جرائم کے خاتمہ میں دن رات مصروف ہیں،ان خیالات کا اظہار انہوں نے ڈپٹی کمشنر وہاڑی عرفان علی کاٹھیا کی زیر صدارت سول ریسٹ ہاﺅس بورے والا میں شہر کی سیاسی و سماجی،تجارتی،صحافتی تنظیموں اور سول سوسائٹی کے نمائندہ شہریوں کے خصوصی اجلاس سے خطاب کرتے ہوئے کیااجلاس سے ڈپٹی کمشنر عرفان علی کاٹھیا اور اسسٹنٹ کمشنر بورے والا حسنین خالد سنپال نے بھی خطاب کیا جبکہ اجلاس میں شریک چیئرمین بلدیہ چوہدری محمد عاشق آرائیں،صدر بار ایسوسی ایشن ملک فرقان یوسف کھوکھر،سول سوسائٹی نیٹ ورک کے کنونیئر عبدالرﺅف چوہدری،ڈپٹی کنونیئر اصغر علی جاوید،صدر پریس کلب ندیم مشتاق رامے،صدر مرکزی انجمن تاجران محمد جمیل بھٹی،پی ٹی آئی کے راہنما خالد نثار ڈوگر،ملک فاروق اعوان ایڈووکیٹ،پروفیسر راشد سدھو اور شہزاد مصطفےٰ سمیت دیگر نے خطاب کرتے ہوئے امن و امان کے قیام اور جرائم پر قابو پانے کے لیے تجاویز پیش کیں ڈی پی او نے خطاب کرتے ہوئے کیا کہ انہیں ابھی ضلع کا چارج سنبھالے دو ماہ کا عرصہ ہوا ہے اس دوران ایس پی انوسٹی گیشن کے علاوہ کئی ڈی ایس پی تبدیل ہونے کی وجہ سے تمام ذمہ داریوں کا بوجھ مجھے اٹھانا پڑ رہا ہے ہم نے اپنے دفتر سے کرپشن کا مکمل خاتمہ کر دیا ہے 2014سے لے کر 2016تک مقدمات کے زیر التوا 70فیصد چالان مرتب کر کے عدالتوں کے سپرد کئے ہیں تا کہ لوگوں کو جلد انصاف مل سکے شکایات سیل میں 3ماہ کے دوران 15ہزار درخواستوں کی سماعت کی جن میں سے 6ہزار بوگس نکلیں انہوں نے یقین دلایا کہ وہ جرائم کی شرح میں کمی لانے کے لئے بورے والا میں نمائندہ شہریوں سے ہفتہ وار میٹنگ کیا کرونگا اجلاس سے خطاب کرتے ہوئے ڈپٹی کمشنر عرفان علی کاٹھیا نے کہا کہ تحصیل ہیڈ کوارٹر ہسپتال بورے والا کی اپ گریڈیشن کے منصوبے کی تکمیل آخری مراحل میں ہے ہسپتال میں ادویات کی فراہمی کے لیے دس فیصد ادویات کی خریداری کی منظوری دیدی گئی ہے جبکہ محکمہ صحت پنجاب کی طرف سے ہسپتال کے لیے مقررہ ادویات کی فراہمی بھی چند روز میں شروع ہو جائے گی انہوں نے کہا کہ بورے والا کی تعمیر و ترقی میں حکومت خصوصی دلچسپی لے رہی ہے جنرل بس سٹینڈ کی توسیع اور کشادگی کے لیے 89ملین کے میگا پروجیکٹ کی منظوری صوبائی حکومت کے پراسس میں ہے جس کی عنقریب منظوری کے بعد منصوبے پر کام کا آغاز ہو جائے گا علاوہ ازیں حکومت پنجاب کے سالانہ ترقیاتی بجٹ میں بھی بورے والا جنرل بس سٹینڈ کی توسیع کے لیے فنڈز حاصل ہونگے۔