بورے والا تعلیم کے حوالہ سے ”دی سٹی آف ایجوکیشن“ کا درجہ رکھتا ہے۔غلام محیی الدین،شیخ شہزاد

بورے والا(چوہدری اصغر علی جاوید سے)چیئرمین چیئرمین ضلع کونسل وہاڑی پیر غلام محیی الدین چشتی اور سول سوسائٹی نیٹ ورک کے پیٹرن انچیف شیخ شہزاد مبین نے کہا ہے کہ سٹی آف ایجوکیشن کا درجہ رکھنے والے شہربورے والا کو مزید تعلیم یافتہ دیکھنا چاہتے ہیں،بورے والا تعلیم کے حوالہ سے ”دی سٹی آف ایجوکیشن“ کا درجہ رکھتا ہے یہی وجہ ہے کہ بورے والا میں بین الاقوامی معیار کے مطابق نجی تعلیم اداروں کی جانب سے اعلیٰ تعلیم کی فراہمی سے تعلیم میدان میں ایک انقلاب برپا ہو چکا ہے لیکن ہم اپنے شہر کو تعلیم کے میدان میں مزید ترقی کی جانب گامزن دیکھنا چاہتے ہیں جس کیلئے معروف نجی تعلیمی اداروں کا قیام ایک سنگ میل ثابت ہو گا،ان خیالات کا اظہار انہوں نے دی لاہور لائسیم سکول بورے والا کیمپس کی جانب سے مقامی ہوٹل میں پانچویں کون وکیشن کے حوالہ سے منعقدہ تقریب سے خطاب کرتے ہوئے کیا اس موقع پر وائس چیئرمین ضلع کونسل رانا شاہد سرور،ایم پی اے سردار خالد محمود ڈوگر،اسسٹنٹ کمشنر بورے والا حسنین خالد سنپال،اے ایس پی آصف رضا،چیئرمین بلدیہ چوہدری عاشق آرائیں،پی ٹی آئی کے راہنما احسن سردار بھٹی،ضلعی صدر انجمن تاجراں محمد جمیل بھٹی،وائس پرنسپل گورنمنٹ پوسٹ گرایجویٹ کالج پروفیسر راشد سدھو،پروفیسر مجاہد حسین سجاد،کاروان سفیرا ٹریول کے ڈائریکٹر چوہدری رضوان اسلم،ریاض کاہلوں ایڈووکیٹ،ملک توقیر اعوان،ڈائریکٹرز سکول چوہدری غلام مصطفےٰ،چوہدری غلام مرتضےٰ مٹھو،پرنسپل پنجاب کالج پروفیسر مجید اکبر،پرنسپل سپیریئر میاں آصف سردار،ضلعی صدر مسلم لیگ(ن)یوتھ ونگ منظور برکت ماڑی والا،سجاد حسین بخاری کے علاوہ علاقہ بھر کی اہم شخصیات اور سٹوڈینٹس کے والدین نے بھر پور شرکت کی تقریب میں مہمانان خصوصی نے پوزیشن ہولڈرز بچوں میں شیلڈز اور انعامات بھی تقسیم کیے ڈائریکٹر کاروان سفیرا ٹریول کی جانب سے فرسٹ پوزیشن حاصل کرنے والے بچوں کو کیس پرائزز بھی دئیے گئے۔