نجی پرائیویٹ سکول کی چھت گرنے کا مقدمہ درج،سکول سیل،پرنسپل گرفتار
بورے والا(چوہدری اصغر علی جاوید سے)نجی سکول کی چھت گرنے سے 10 معصوم بچے اور ایک مزدور زخمی،محکمہ تعلیم نے سکول کو سیل کر کے سکول کے پرنسپل کے خلاف پولیس کو کاروائی کی درخواست دیدی،پرنسپل گرفتار،تفصیلات کے مطابق نواحی گاﺅں171(ای بی) میں 2005 سے قائم پرائیویٹ سکول میں کلاس روم کے اوپر ایک مزید کمرہ تعمیر کیا جا رہا تھا جسکا ملبہ اچانک کلاس روم کی چھت پر آ گرا اور جس سے کلاس روم کی چھت جسکے نیچے بچے بیٹھے تعلیم حاصل کر رہے تھے وہ بچوں پر آگری جسکے نتیجے میں ملبے تلے دب کر 10 معصوم بچے اور چھت پر کام کرنے والا ایک مزدور زخمی ہو گئے جنہیں فوری طور پر ریسکیو 1122 کی ٹیموں نے مقامی ہسپتالوں میں منتقل کر دیا چار بچوں کو معمولی طبی امداد کے بعد فارغ کر دیا گیا جبکہ دیگر زخمیوں کا علاج جاری ہے واقعہ کی اطلاع ملتے ہی اے ایس پی بورے والا آصف رضا موقع پر پہنچ گئے اور اپنی نگرانی میں زخمیوں کو ہسپتال منتقل کروایا اور سکول کے پرنسپل قربان علی کو بھی حراست میں لے لیا جبکہ سی ای او ایجوکیشن غلام مصطفےٰ برجیس بھی دیگر افسران کے ہمراہ موقع پر پہنچے اور انہوں نے سکول کو سیل کر کے تین افسران پر مشتمل انکوائری کمیٹی تشکیل دی انکوائری رپورٹ کی روشنی میں محکمہ تعلیم نے مقامی پولیس کو پرنسپل کے خلاف کاروائی کیلئے درخواست دیدی معلوم ہوا ہے کہ تحصیل بورے والا کے مختلف علاقوں میں پانچ پانچ دس دس مرلہ کے مکانوں میں ایسے درجنوں نجی سکول چل رہے ہیں جنکی عمارتیں انتہائی خستہ حال ہیں لیکن محکمہ تعلیم کے ذمہ داران کی چشم پوشی کے باعث ان غیر معیاری اور گھروں میں قائم سکولوں کے خلاف کوئی کاروائی نہیں کی جاتی اور یہ سکول کسی بھی وقت خستہ حالی کی وجہ سے گر کر معصوم بچوں کی جان کیلئے ایک بڑا خطرہ بنے ہوئے ہیں والدین نے وزیر اعلیٰ پنجاب سے ایسے غیر معیاری اور خستہ حال سکولوں کو فوری بند کروانے کا مطالبہ کیا ہے۔
About Author
