پنجاب کالج نے 100سالہ ثقافت کو اجاگر کر دیا،سالانہ تین روزہ رنگا رنگ میلے نے دل جیت لیئے

بورے والا(چوہدری اصغر علی جاوید سے)پنجاب کالج کینال کیمپس میں سالانہ تین روزہ رنگا رنگ پنجاب میلے کا انعقاد،پنجاب کی تاریخ میں اپنی نوعیت کا منفرد میلہ،پنجاب کی 100سالہ ثقافت کو اجاگر کیا گیا،طلباء و طالبات،والدین اور شہریوں کا رش،پنجاب میلہ سب کی توجہ کا مرکز بن گیا،ڈی سی وہاڑی نے میلے کا افتتاح کیا،تفصیلات کے مطابق پنجاب کالج کینال کیمپس بورے والا میں گذشتہ سال کی طرح اس سال بھی پنجاب کی قدیم ثقافت سے طلباء و طالبات،والدین اور شہریوں کو روشناس کروانے کیلئے سالانہ تین روزہ ”پنجاب میلے“ کا انعقاد کیا گیا میلے کا افتتاح ڈپٹی کمشنر وہاڑی عرفان علی کاٹھیا نے کیا اس موقع پر سول سوسائٹی نیٹ ورک کے پیڑن انچیف شیخ شہزاد مبین،پرنسپل و ڈائریکٹر پنجاب کالج پروفیسر مجید اکبر،پروفیسر جاوید اقبال،پروفیسر کرامت شکیل اور دیگر نمائندہ شخصیات بھی موجود تھیں تقریب سے خطاب کرتے ہوئے ڈی سی وہاڑی عرفان علی کاٹھیا نے کہا کہ پنجاب کالج نے اپنی نوعیت کا ایک منفرد پنجاب میلہ سجا کر صوبے کی قدیم ثقافت کو دوبارہ زندہ کر دیا ہے ایسے میلوں کے انعقاد سے نئی نسل کو اپنے آباﺅ اجداد کی ثقافت سے روشناس کروانے میں مدد ملتی ہے تعلیم کے ساتھ ساتھ تعلیمی اداروں میں ایسی تقریبات کا انعقاد وقت کی اہم ترین ضرورت ہے پنجاب کالج نے ناصرف تعلیمی میدان میں بلکہ کھیلوں اور دیگر ہم نصابی سرگرمیوں میں بھی اپنی صلاحیتوں کا لوہا منوایا ہے تعلیمی اداروں میں تفریح کے مواقع فراہم کرنے سے طلباء و طالبات کی ذہنی صلاحیتوں کو تقویت دینے میں بھی بھرپور مدد ملتی ہے ڈی سی وہاڑی نے اس موقع پر مشعل روشن کر کے پنجاب کی سالانہ تین روزہ کھیلوں اور پنجاب میلے کا افتتاح کیا اس میلے میں پنجاب کی 100سالہ قدیم ثقافت کا عملہ مظاہرہ بھی کیا گیا اور مختلف اشیاء کے سٹالز بھی لگائے گئے جس میں طلباء و طالبات انکے والدین اور شہریوں نے بہت زیادہ دلچسپی کا مظاہرہ کیا جبکہ کھیلوں کے مقابلوں میں کالج کے طلباء نے جمٹاسٹک کے خوبصورت مظاہرے پیش کیے ڈھول کی ٹھاپ پر گھوڑوں اور اونٹ کا رقص بھی پیش کیا گیا ڈی سی وہاڑی نے کالج کے پرنسپل مجید اکبر دائریکٹر سپورٹس لیاقت علی کے علاوہ دیگر سٹاف کی خدمات کو قابل ستائش قرار دیا۔