انسانیت کی فلاح سے ہم آخرت کو سنوار سکتے ہیں۔شیخ شہزاد مبین،پروفسیر راشد سدھو

بورے والا(چوہدری اصغر علی جاوید سے)سول سوسائٹی نیٹ ورک کے پیٹرن انچیف شیخ شہزاد مبین نے کہا ہے کہ انسانیت کی فلاح سے ہم آخرت کو سنوار سکتے ہیں اپنی اولاد کی بہتر تربیت،دوسروں کے لیے آسانیاں پیدا کر کے ہم دنیا اور آخرت میں سرخرو ہو سکتے ہیں جس کام سے انسان کو قلبی سکون میسر آتا ہوں اسی میں ہماری نجات ہے،اللہ تعالیٰ نے دنیا میں اپنے بندوں کو آزمانے کے لیے کسی کو رزق کی فراوانی دے دیتا ہے اور کسی سے واپس لے لیتا ہے،انسان کو ہر حال میں صبر،استقامت دوسروں کے حقوق کا خیال رکھنا چاہیے،ان خیالات کا اظہار انہوں نے زرعی یونیورسٹی بورے والا کیمپس میں مقابلہ حسن قرات اور نعت خوانی کی تقریب سے خطاب کرتے ہوئے کیا تقریب سے وائس پرنسپل گورنمنٹ کالج پروفیسر راشد سدھو نے کہا کہ ہمیں نئی نسل کو تعلیم کے ساتھ ساتھ انکی تربیت پر خصوصی توجہ دینے کی ضرورت ہے کیونکہ تربیت کے بغیر تعلیم کا حصول بے سود ہے ہمیں اپنی زندگیوں کو اسلام کے سانچے میں ڈھال کر دوسروں کے لیے ایک نمونہ بننا چاہئے تقریب میں وائس پرنسپل زرعی یونیورسٹی کیمپس ڈاکٹر محمد نعیم،ڈاکٹر محمد آصف،شہباز محمود شیخ،عابد ضیاء،سید زاہد حسین مشہدی،چوہدری اصغر علی جاوید اور دیگر شخصیات بھی موجود تھیں۔