مسلح افواج نے دشمن کے ناپاک ارادوں کو خاک میں ملا کر عوام کے جذبات کی ترجمانی ہے۔ارشاد آرائیں

بورے والا(چوہدری اصغر علی جاوید سے)پاکستان تحریک انصاف کے راہنما اور سابق ممبر صوبائی اسمبلی چوہدری ارشاد احمد آرائیں نے کہا ہے کہ پاکستان کی مسلح افواج نے دشمن کے ناپاک ارادوں کو خاک میں ملا کر بائیس کروڑ عوام کے جذبات کی ترجمانی ہے،وزیر اعظم پاکستان عمران خان نے موجودہ ملکی اور عالمی حالات کے تناظر میں جو خطاب کیا ہے اس کو عالمی سطح پر ایک مثبت سوچ قرار دیا ہے،ان خیالات کا اظہار انہوں نے پریس کلب بورے والا کے نومنتخب عہدیداروں کو مبارکباد دینے کے بعد گفتگو کرتے ہوئے کیا اس موقع پر چیئرمین پریس کلب اصغر علی جاوید کامریڈ،صدر ندیم مشتاق رامے،نائب صدر چوہدری اکرام الحق،جنرل سیکرٹری چوہدری اصغر علی جاوید،ڈائریکٹر پروگرام عبدالطیف غزنوی،فنانس سیکرٹری رانا عبدالوحید خاں،میاں طارق محمود،سیکرٹری اطلاعات مرزا ظہیر اسلم،چوہدری محمد صفدر،رانا غلام مرتضیٰ،پیر بختار عالم چشتی،سردار فاروق احمد ڈوگر،چیئرمین یوسی چوہدری زاہد رسول،چوہدری عمران ارشاد ایڈووکیٹ،عبدالخالق ٹھیکہ،اسماعیل ہنجرا،شیخ اسلم اور دیگر بھی موجود تھے انہوں نے کہا کہ موجودہ ملکی حالات کے تناظر میں تمام سیاسی جماعتوں کا سیاسی اختلافات کو بالائے طاق رکھتے ہوئے ایک پیج پر ہونا قومی جذبے کی بھرپور عکاسی ہے پاک فوج کی طرف سے کئی بار اس بات کا اعادہ کیا گیا کہ وہ خطہ میں امن چاہتے ہیں لیکن ملک کے دفاع کیلئے بھر جواب دیں گے اور اس سلسلہ پاک فوج اپنی دفاعی ذمہ داریوں سے غافل نہیں ہے چوہدری ارشاد احمد آرائیں نے کہا کہ پاکستان فضائیہ کے شاہینوں کی طرف پاکستانی سرحدوں کی خلاف ورزی کرنے والے بھارتی فضائیہ کے طیاروں خلاف بھرپور کاروائی کرتے ہوئے ان کو مار گرایا۔