بھارتی جارحیت کا منہ توڑ جواب دیکر پاکستانی شاہینوں نے قوم کے حوصلے بلند کر دئیے۔حافظ ابوسفیان

بورے والا(چوہدری اصغر علی جاوید سے)صوبائی نائب صدر مرکزی علماء کونسل پنجاب حافظ محمد ابوسفیان حنفی نے کہا ہے کہ بھارتی جارحیت کا منہ توڑ جواب دیکر پاکستانی شاہینوں نے قوم کے حوصلے بلند اور عزائم مزید پختہ کر دئیے ہیں،قوم کو اس عظیم کامیابی پر اللہ تعالیٰ کا شکر ادا کرتے ہوئے بارگاہ الہی میں سجدہ ریز ہو جانا چاہیے،پوری قوم فوج کے ساتھ ہے،جنگ مانگنی نہیں چاہیے لیکن اگر جنگ مسلط کر دی جائے تو پھر دشمن کو عبرتناک شکست دینی چاہیے،بھارت کو علاقے کا تھانیدار بننے کی کوشش مہنگی پڑے گی،قوم اتحاد و یکجہتی کا مظاہرہ کرے،ان خیالات کا اظہار انہوں نے بھارتی جارحیت پر اپنے ردعمل کا اظہار کرتے ہوئے کیا حافظ محمد ابوسفیان حنفی نے کہا کہ بھارتی جارحیت بھارت کے جنگی جنون کا مظاہرہ ہے جو بھارت کے لیے تباہ کن ثابت ہو گا بھارت کی طرف سے خطے کا تھانیدار بننے کی کوشش اسے مہنگی پڑے گی پوری قوم پاک فوج کی پشت پر ہے جنگ کی خواہش نہیں کرنی چاہیے لیکن اگر جنگ مسلط کر دی جائے تو پھر جذبہ جہاد،غیرت ایمانی اور بہادری کا مظاہرہ کرنا چاہیے انہوں نے ملک بھر کی مساجد و مدارس کے ذمہ داران سے کہا کہ وہ دعاﺅں اور رجوع الی اللہ کا اہتمام کریں اور دفاع وطن کے لیے ہر طرح سے خود بھی تیار رہیں اور عوام کی بھی ذہن سازی کریں۔