انسان کو دنیا کی ہوس اور حرص نے تباہی کے دہانے پر پہنچا دیا ہے۔ڈاکٹر مقصود الہیٰ

بورے والا(چوہدری اصغر علی جاوید سے)اسلامی روحانی مشن کے سرپرست ڈاکٹر محمد مقصود الہیٰ نقشبندی نے کہا ہے کہ انسان کو دنیا کی ہوس اور حرص نے تباہی کے دہانے پر پہنچا دیا ہے اور انسان اسی ہوس،حرس اور لالچ میں موت کو گلے لگا لیتا ہے،دنیا میں رھ کر انسان کو آخرت کے عذاب سے بچنے کیلئے ایسے اعمال کرنے چاہئیں جن کا اللہ اور اُسکے رسول محمدﷺ نے فرمایا ہے اگر انسان موت کو ہر وقت یاد رکھےتو دنیاوی حرص اور لالچ سے اسے چھٹکارا مل سکتا ہے،انسان اپنی آرزو اور خواہش سے زندگی کا ایک سانس بھی نہیں بڑھا سکتا،اللہ تعالیٰ نے آج جن نعمتوں،رتبوں اور عہدوں سے انسان کو نوازا ہے اُسکا شکر ادا کرنے کیلئے اُسکی اطاعت بھی ضروری ہے شیطان کے نقش قدم پر چلنے والے اپنے رب سے کھلی جنگ کر رہے ہیں،دنیا میں کیے گئے اچھے اعمال ہی انسان کو آخرت میں سرخرو کرتے ہیں،ان خیالات کا اظہار انہوں نے گذشتہ شب مقامی ہوٹل میں منعقدہ ایک تقریب سے خطاب کرتے ہوئے کیا تقریب سے اسلامی روحانی مشن کے راہنما کرنل(ر) محمد طاہر نے بھی خطاب کیا اس موقع پر اراکیں اسمبلی سردار خالد محمود ڈوگر،چوہدری محمد یوسف کسیلیہ، سابق وفاقی وزیر سید شاہد مہدی نسیم،سابق ایم این اے چوہدری نذیر احمد آرائیں،چیئرمین بلدیہ چوہدری محمد عاشق آرائیں،اسسٹنٹ کمشنر حسنین خالد سنپال،کاٹن جنرز ایسوسی ایشن کے صدر چوہدری اطہر غفور،سماجی شخصیت رانا طاہر کریم،چوہدری محمد عمران،محمد فاروق،چوہدری اظہر غفور اور شہر کے مختلف مکتبہ فکر کے علاوہ سیاسی،سماجی،علمی اور مذہبی شخصیات کی کثیر تعداد نے شرکت کی۔