شہر میں تجاوزات مافیا کا راج قائم،تجاوزات اور قبضہ مافیا کے خلاف مہم بری طرح فلاپ

بورے والا(چوہدری اصغر علی جاوید سے)شہر میں تجاوزات مافیا کا راج،تجاوزات اور قبضہ مافیا کے خلاف مہم بری طرح فلاپ،قبضہ مافیا کو نوٹس جاری ہونے کے باوجود کاروائی نہ ہو سکی،شہر کے تمام بازاروں میں تجاوزات مافیا نے دوبارہ پنجے گاڑ لیئے،ادارے خاموش،شہری اذیت میں مبتلا،تفصیلات کے مطابق دیگر شہروں کی طرح حکومتی ہدایات پر بورے والا میں بھی تین ماہ قبل قبضہ گروپوں اور شہر میں دوکانوں کے باہر ٹریفک میں رکاوٹ بننے والے تجاوزات مافیا کے خلاف بھرپور مہم چلی جسے شہری حلقوں نے قابل ستائش بھی قرار دیا لیکن اس کے بعد کئی بازاروں اور سڑکوں پر قائم تجاوزات اور سرکاری اراضی پر سالہا سال سے بنی غیر قانونی دوکانوں کو نوٹس تو جاری کیئے گئے اور انتظامیہ کی طرف سے پر مسلسل خاموشی اس حکومتی مہم ہر سوالیہ نشان بن کر رہ گئی اور وہاڑی بازار،عارف بازار،جوئیہ روڈ،چیچہ وطنی روڈ،لاہور روڈ،ملتان روڈ،ریل بازار،ریشم گلی،دیگر بازاروں اور شاہراہوں میں تجاوزات مافیا اور قبضہ گروپوں کے خلاف کوئی قابل ذکر کاروائی نہ ہونے سے یہ قبضہ مافیا اور تجاوزات مافیا نے دوبارہ پنجے گاڑ لیئے اور شہری اذیت کا شکار ہو چکے ہیں مقامی شہریوں نے ڈی سی وہاڑی اور دیگر حکام سے تجاوزات مافیا اور قبضہ گروپوں کے خلاف فوری کاروائی کا مطالبہ کیا ہے۔