بار اور بنچ ہی عدلیہ کا حسن ہے دونوں کا مقصد انصاف کی فراہمی ہے۔عاقل حسن

بورے والا(چوہدری اصغر علی جاوید سے)بورے والا سے ٹرانسفر ہونے والے ایڈیشنل جج خاور رشید اور نئے آنے والے ایڈیشنل جج سلیم اقبال کے اعزاز میں الوداعی اور استقبالیہ تقریب کا اہتمام بار روم میں کیا گیا جس میں ڈسٹرکٹ اینڈ سیشن جج عاقل حسن چوہان نے اپنے خیالات کا اظہار کرتے ہوئے کہا کہ بار اور بینچ ایک ہی گاڑی کے دو پہیے ہیں اور دونوں ہی ایکدوسرے کے لازم و ملزوم ہیں بار اور بنچ ہی عدلیہ کا حسن ہے دونوں کا مقصد انصاف کی فراہمی ہے تقریب سے خطاب کرتے ہوئے صدر بار فرقان یوسف کھوکھر ایڈووکیٹ نے کہا کہ بورے والا بار کی ایک روایت رہی ہے کہ ہر نئے آنے والے ججز کے اعزاز میں استقبالیہ اور ٹرانسفر ہونے والے ججز کو خوبصورت یادوں کے ساتھ رخصت کرنے اور انکی خدمات کے اعتراف میں الوداعی تقریب کا اہتمام کیا جاتا ہے تاکہ بار اور بنچ کے باہمی رشتہ کو ہمیشہ کیلئے مضبوط بنایا جا سکے گزشتہ چند سالوں سے بار میں یہ سلسلہ تعطل کا شکار رہا اس روایت کو دوبارہ زندہ رکھنے کیلئے موجودہ باڈی نے یہ سلسلہ دوبارہ شروع کر دیا ہے صدر بار نے تقریب میں شرکت کرنے والے تمام ججز صاحبان کا شکریہ ادا کیا اجلاس میں جنرل سیکرٹری بار خرم ریاض ایڈووکیٹ نے بھی خطاب کیا اس تقریب میں چوہدری محمد حبیب،چوہدری فیاض احمد،چوہدری محمد ارشد،پیر بختیار عالم مسعود چشتی،چوہدری ریاض احمد کاہلوں،چوہدری مشتاق احمد،ملک عمران یوسف کھوکھر،رانا الطاف حسین،چوہدری نوید احمد،رفیق کھوکھر ایڈووکیٹ کے علاوہ دیگر وکلاء کی کثیر تعداد نے شرکت کی۔