شہر کے مختلف علاقے سیوریج کے گندے پانی سے ندی نالوں کا منظر پیش کرنے لگے

بورے والا(حافظ محمد طارق سے)شہر کے مختلف علاقے سیوریج کے گندے پانی سے ندی نالوں کا منظر پیش کرنے لگے،ٹی ایم اے کا عملہ خاموش تماشائی بن گیا،کئی علاقوں میں پینے کا پانی اور سیوریج کا پانی مکس ہونے سے وبائی امراض پھوٹنے سے علاقہ مکین سراپا احتجاج،تفصیلات کے مطابق بورے والا شہر کے مختلف علاقے ٹبہ مصطفےٰ آباد،رحمت آباد،مجاہد کالونی،معصوم شاہ کالونی اور دیگر محلے و گلیاں سیوریج کے پانی کی وجہ سے ندی نالوں کا منظر پیش کرنے لگے جس سے نظام زندگی مفلوج ہو کر رہ گی شہر کے مختلف علاقوں میں پینے کے پانی میں سیوریج کا پانی مکس ہو چکا ہے جس سے مختلف بیماریاں جنم لے رہی ہیں اور شہری مختلف بیماریوں کا شکار ہو رہے ہیں رحمت آباد کے مکینوں مرزا امجد اور دیگر محلے داروں نے میڈیا کے نمائندوں سے گفتگو کرتے ہوئے بتایا کہ ہمارا محلہ گندے پانی کا جوہڑ بن چکا ہے جس سے گلی سے گزرنے والے نمازیوں کے کپڑے پاک نہیں رہتے اور خواتیں اور کم سن بچے متعدد بار اس گندے پانی میں گر چکے ہیں جس سے کسی دن کسی جانی نقصان کا بھی خدشہ ہے علاقہ مکینوں نے مزید کہا کہ ہم متعدد بار چیئرمین بلدیہ اور اسسٹنٹ کمشنر بورے والا کو بذریعہ درخواست اس مسئلے کو حل کرنے کی استدا کی ہے جس پر آج تک عمل درآمد نہیں ہو سکا اس گندے پانی سے مختلف گھروں کی دیواروں کے گرنے کا بھی خدشہ ہے ایسی ہی صورت حال شہر کے مختلف علاقوں کی ہے اور بلدیہ کا عملہ کوئی کام نہیں کر رہا جس کی وجہ سے ان متاثرین نے اعلیٰ حکام،ڈی سی وہاڑی،وزیر اعلیٰ پنجاب اور دیگرمتعلقہ اداروں سے فوری نوٹس لینے کا مطالبہ کیا ہے کہ اس سیوریج کے پانی کا فوری بندوبست کیا جائے تاکہ ان کے بچے،بوڑھے اور خواتین مختلف وبائی امراض سے محفوظ رہ سکیں اور گندے پانی کے جوہڑ بننے سے کسی بڑے حادثے سے بھی بچا جا سکے۔