حاجی شیر قبرستان کے جوہڑ اور گندے پانی کے گڑھے میں گر کر 2معصوم بچے جاں بحق

بورے والا(چوہدری اصغر علی جاوید سے)دربار سے ملحقہ قبرستان کے جوہڑ اور گندے پانی کے گڑھے میں گر کر 2معصوم بچے جاں بحق،تفصیلات کے مطابق بورے والا کے نواحی علاقہ دیوان صاحب چک 317ای بی کے رہائشی جہانگیر بدر چاولیانہ اپنی 4سالہ بیٹی معصومہ فاطمہ کے ہمراہ اپنے سسر کے گھر گیا جہاں پر بچی کھیلتے ہوئے گھر سے نکل کر مشہور صوفی بزرگ حضرت دیوان چاولی مشائخ کے قبرستان سے ملحقہ گندے پانی کے جوہڑ میں گر کر ڈوب گئی اہل خانہ اور اہل علاقہ رات بھر اس بچی کو تلاش کر تے رہے آج 17گھنٹے بعد 4سالہ معصوم فاطمہ کی نعش اس جوہڑ میں تیرتی ہوئی ملی تو کہرام برپا ہو گیا اہل علاقہ نے بتایا کہ اس تاریخی قبرستان سے ملحقہ گندے پانی کے اس جوہڑ میں نہ صرف کئی قدیم قبریں صفحہ ہستی سے مٹ گئی ہیں بلکہ اب تک اس میں کئی انسانی جانیں بھی ضائع ہو چکی ہیں انہوں نے محکمہ اوقاف کے اعلیٰ حکام سے اس گندے پانی کے جوہڑ کو ختم کرنے کا مطالبہ کیا جبکہ دوسرے واقعہ میں چک نمبر315ای بی کا 3سالہ معصوم بچہ حماد زاہد ولد زاہد ڈھڈی گھر باہر گلی میں سیوریج کے پانی کے لئے بنائے گئے گہرے گڑھے میں گر کر جان کی بازی ہار گیا قریبی علاقوں میں دو معصوم بچوں کے فوت ہونے پر فضاء سوگوار ہو گئی۔