شہر کے وسط سے گزرنے والی نہر کی بھل صفائی نے شہریوں کا ناک میں دم کر دیا،شہری پریشان

بورے والا(چوہدری اصغر علی جاوید سے)شہر کے وسط سے گزرنے والی نہر کی بھل صفائی نے شہریوں کا ناک میں دم کر دیا،ٹھیکیدار نے نہر سے اٹھائی جانے والی بھل شہباز شریف منی بائی پاس اور گنجان آبادی میں پھینک دی،محکمہ انہار کے افسران اور بھل صفائی کے ٹھیکیدار کی مجرمانہ غفلت شہریوں کیلئے عذاب بن گئی،تفصیلات کے مطابق شہر کے وسط سے گزرنے والی نہر کی سالانہ بھل صفائی کے سلسلہ میں ٹھیکیدار کی جانب سے نہر سے نکالی گئی بھل اور گندگی کی شہر سے باہر ٹھکانے لگانے کی بجائے شہباز شریف منی بائی پاس اور نہر سے ملحقہ گنجان آباد علاقوں میں پھنکنا شروع کر دیا کروڑوں روپے کی لاگت سے بننے والا شہباز شریف منی بائی پاس کیچڑ اور گندگی کا منظر پیش کر رہا ہے سڑک کا نصف سے زائد حصہ گندگی اور کیچڑ سے بھر گیا ہے جبکہ آبادی والے علاقوں میں نہر سے نکالی گئی اس گندگی اور بھل کے ڈھیروں نے علاقہ مکینوں کا جینا دوبھر کر دیا جبکہ ٹھیکیدار ایک کرین اور ٹریکٹر ٹرالی کی مدد سے فرضی بھل صفائی کر کے لاکھوں روپے ٹھیکہ کی رقم وصول کرے گا سول سوسائٹی بورے والا،ایس ڈبلیو سی ڈی ایس،انجمن تاجران،ٹرانسپورٹ یونین اور دیگر تنظیموں نے سیکرٹری انہار اور ڈی سی وہاڑی سے فوری نوٹس لینے کا مطالبہ کیا ہے۔