میں نے کرپشن نہیں کی اگر ایک پیسہ بھی ثابت ہوا تو احتساب کے لئے پیش ہو جاؤنگا ۔ پرویز مشرف
اسلام آباد(نیوز ڈیسک)سابق صدر جنرل پرویز مشرف نے کہا ہے کہ نواز شریف اینڈ فیملی ہر لحاظ سے پھنسے ہوئے ہیں،جعلی دستاویزات اور جھوٹ عدالت میں بولا گیا اب یہ تو قوم کی عدالت میں بھی گناہگار ہیں،نواز شریف کی نااہلی سے انصاف کا بو ل بالا ہو گا،میں نے کسی بھی فوجی جوان سے ملاقات یا رابطہ نہیں رکھا اور میں جان بوجھ کر کسی سے ملاقاتیں نہیں رکھتا تا کہ کسی طور پر کسی پر انگلی نہ اٹھے،ان خیالات کا اظہار انہوںنے نجی ٹی وی چینل پر میڈیا سے گفتگو کرتے ہوئے کیا انہوں نے کہا کہ ملک کو لوٹا گیا ہے اور اس میں ن لیگ ہی نہیں پیپلز پارٹی کے بھی ایم این ایز نے بھی اپنی پراپرٹیاں بنائی ہوئی ہیں نواز شریف نے اپنے تینوں ادوار میں جائیدادیں بنائی ہیں اور اس میں پورا شریف خاندان شامل ہے سمجھ نہیں آتا کہ لندن جیسا ملک جس میں پچاس ہزار پاؤنڈ لیجائے جائیں تو بھی ان کی باقاعدہ پوچھ گچھ ہوتی ہے مگر میری سمجھ میں نہیں آتا کہ کس طرح ملین بلین روپے وہاں لیجا کر فلیٹس خریدے گئے جنرل مشرف کا کہنا تھا کہ شہباز شریف اور نثار میرے دوست بھی تھے اور مجھ سے بہت سارے معاملات شیئر کرنے آیا کرتے تھے پنجاب یونیورسٹی کو سدھارنے اور وی سی وغیرہ کے معاملات پر میرے ساتھ بات چیت ہوتی تھی انہوں نے کہا کہ چوہدری نثار نے مجھے آرمی چیف بنوایا میں نے کرپشن نہیں کی اگر ایک پیسہ بھی ثابت ہوا تو احتساب کے لئے پیش ہو جاؤنگا لال مسجد،اکبر بگٹی اور آرٹیکل6 کے کیسز سیاسی ہیں افتخار احمد جعلی آدمی تھا اس کے اور بھی بہت سے کام تھے جوبتائے نہیں جا سکتے۔
About Author
