میپکو کا غیر قانونی کالونیوں میں نصب میٹر اتارنے کا آپریشن،سینکڑوں میٹر اُتار لیئے
بورے والا(چوہدری اصغر علی جاوید سے)میپکو کا غیر قانونی کالونیوں میں نصب میٹر اتارنے کا آپریشن،متعدد کالونیوں اور اضافی آبادیوں سے سینکڑوں میٹر اُتار لیئے،غیر قانونی کالونیوں میں میٹر نصب کرنے میں بڑے پیمانے پر بے ضابطگیوں کا انکشاف،میپکو اہلکاران اور کالونی مالکان کی ملی بھگت سے میٹر نصب ہوئے،متاثرہ شہریوں نے میٹروں کی تنصیب کا مطالبہ کر دیا،تفصیلات کے مطابق گذشتہ 15سالوں کے دوران شہر اور گردونواح میں بننے والی غیر قانونی کالونیوں کے خلاف نیب اور انٹی کرپشن کی جانب سے اعلیٰ سطحی تحقیقات میں یہ بات سامنے آئی کہ ان کالونیوں اور ان سے ملحقہ اضافی آبادیوں میں کالونی مالکان اور پلانٹ خریدنے والوں نے میپکو اہلکاران اور میونسپل کمیٹی کے عملہ کی مبینہ ملی بھگت سے جعلی این او سی حاصل کر کے بجلی کے غیر قانونی کنکشن لگائے گئے بلکہ بعض مقامات پر منظور کروائے گئے میٹر کے کنکشن کسی دوسرے مقام پر لگا کر بڑے پیمانے پر بے ضابطگیاں کی گئیں جس کے ذمہ دار کالونی مالکان،میپکو کے ذمہ دار اہلکاران اور این او سی جاری کرنے والے بلدیہ کے اہلکاران تھے لیکن اب میپکو نے ان کالونیوں کی بجلی منقطع کرنے کی بجائے یہاں نصب عام شہریوں اور مالکان کے میٹر ہی اُتارنا شروع کر دئیے جس سے سینکڑوں گھرانے بجلی کی سہولت سے محروم ہو گئے ہیں متاثرہ شہریوں نے وفاقی وزیر پانی و بجلی،چیئرمین نیب،ڈائریکٹر انٹی کرپشن،ایف آئی اے حکام اور میپکو حکام سے مطالبہ کیا ہے کہ اس غیر قانونی کام میں ملوث کالونی مالکان اور سرکاری اہلکاروں کے خلاف اعلیٰ سطحی تحقیقات کی جائیں اور اُنکی بجلی بحال کی جائے۔
About Author
