سی ای او ایجوکیشن وہاڑی نے میرٹ کی دھجیاں اڑا دیں،اعلیٰ حکام سے نوٹس لینے کا مطالبہ
بورے والا(چوہدری اصغر علی جاوید سے)سی ای او ایجوکیشن شوکت علی طاہر نے میرٹ کی دھجیاں اڑا دی،میرٹ میں پہلے نمبر پر آنے والی ٹیچر کی جگہ تیسرے نمبر پر آنے والی ٹیچر کا تبادلہ،سی ای او آفس میں میرٹ کی دھجیاں بکھیرنے والا منظم گروہ سرگرم،متاثرہ ٹیچر کا ڈی سی وہاڑی اور وزیر اعلیٰ پنجاب سے نوٹس لینے کا مطالبہ،تفصیلات کے مطابق ضلع وہاڑی میں اساتذہ کے تبادلوں میں میرٹ کی پامالی اور بے ضابطگیوں کا سلسلہ نہ رک سکا اس کے ساتھ ساتھ دفتر میں مبینہ طور پر رشوت اور سفارش کا بازار بھی گرم ہے افسران کا ٹیچرز سے رویہ بھی ہتک امیز ہے دفتری کام کے لیے آنے والے سائلین کو گھنٹوں دفتر کے باہر بیٹھایا جاتا ہے سی او ایجوکشن آفس کی بجائے زیادہ تر تقریبات میں نظر آتے ہیں کچھ دن پہلے سی ای او آفس سے جاری ہونے والی ایس ای اس ای ٹیچرز کی لسٹ میں چک نمبر421 کیلئے رابعہ جاوید 23نمبر کے ساتھ پہلے نمبر پر جبکہ درخشاں مجید تیسرے نمبر پر تھی لیکن سی ای او آفس میں مبینہ ملی بھگت سے تیسرے نمبر پر آنے والی امیدوار کے آرڈر کر دیئے گئے ہیں متاثرہ ٹیچر نے ڈی سی وہاڑی سے سی ای او آفس میں ہونے والی اس اقرباء پروری اور بے ضابطگیوں کا فوری نوٹس لینے اور ذمہ داران کے خلاف کاروائی کا مطالبہ کیا ہے اس سلسلہ میں سی ای او آفس وہاڑی کے ملازمین کا کہنا ہے کہ لسٹوں میں کلیریکل غلطی کی وجہ سے یہ معاملہ ہوا ہے جسے سی او ایجوکیشن دیکھ رہے ہیں۔
About Author
