سعودی عرب میں مقیم پاکستانی شہری 22روز سے لاپتہ،وزیر اعظم سے مداخلت کی اپیل

بورے والا(چوہدری اصغر علی جاوید سے)سعودی عرب میں مقیم پاکستانی شہری 22روز سے لاپتہ،4دسمبر کو واپس پاکستان آنا تھا،سعودی حکومت کی عدم دلچسپی،اہل خانہ غم سے نڈھال،وزیر اعظم اور وزیر خارجہ سے مداخلت کی اپیل،تفصیلات کے مطابق گلشن رحمان کالونی کے رہائشی مقامی بنک کے آپریشنل مینیجر سید افتخار احمد شاہ نے میڈیا سے گفتگو کرتے ہوئے بتایا کہ انکے چھوٹے بھائی سید اشفاق شاہ جو کہ 18سال سے سعودی عرب میں مقیم ہیں اور وہاں ٹرالر چلا کر اپنے خاندان کی کفالت کرتے آرہے ہیں گذشتہ ماہ انکے والد کی ٹانگ فریکچر ہونے پر انہوں نے اشفاق شاہ سے واپس پاکستان آنے کو کہا تو اس نے تو اس نے 4دسمبر کو پاکستان آنے کا وعدہ کیا 4دسمبر کو جب ان سے رابطہ ہوا تو انہوں نے کہا کہ میں ائیرپورٹ جا رہا ہوں واپس پاکستان آنے کے لیے جسکے بعد شام کو دوبارہ رابطہ کیا تو انکا موبائل بند تھا جس پر ہم نے اسکے کفیل اور ساتھ رہنے والے دیگر پاکستانیوں سے اسکے متعلق دریافت کیا تو انہوں نے کہا کہ ہمارے ساتھ خود بھی اسکا رابطہ نہیں جس کے بعد تشویش لاحق ہوئی کہ کہیں اسے سعودی حکومت نے پکڑ نہ لیا ہو اس کی تصدیق کے لیے سفارتخانہ کے ذریعہ سعودی عرب کی جیلوں میں بھی پتہ کروایا لیکن اسکا سراغ نہ مل سکا اسکے متعلق سعودی عرب میں ایک رپورٹ بھی درج کروا دی لیکن 22روز گزرنے کے بعد بھی انکے بھائی کا کہیں بھی سراغ نہ مل سکا ہے اس دوران مختلف اوقات میں انکا وٹس ایپ اور ایموEMOبھی آن ہوا لیکن بات نہ ہو سکی اس تمام ترصوتحال میں اشفاق شاہ کی بیوی،اکلوتی بیٹی اور دیگر پورا خاندان انتہائی کرب میں مبتلا ہے نہ ہی پاکستانی سفارتخانہ سے کوئی تسلی بخش جواب آرہا ہے کفیل سے بھی بات ہوئی ہے لیکن اسکی دلچسپی بھی نہ ہے انہوں نے اس افسوس ناک صورتحال پر وزیر اعظم عمران خان،وزارت خارجہ اور چیف جسٹس سے اپیل کی ہے کہ دیار غیر میں رہ کر اپنے کے لیے زرمبادلہ بھیجنے والے افرا د کو درپیش مشکلات اور خصوصی طور پر ہمارے بھائی کی فوری باز یابی کے لیے سعودی حکومت سے رابطہ کر کے ہمارے خاندان کی یہ پریشانی دور کی جائے۔