سابق ایس ایچ او تھانہ گگو نے منفی پراپیگنڈہ شروع کر دیا ہے۔سول سوسائٹی نیٹ ورک
بورے والا(چوہدری اصغر علی جاوید سے)سول سوسائٹی نیٹ ورک کے عہدیداران عبدالرﺅف چوہدری،سید زاہد حسین مشہدی،سید اظہر گیلانی،میاں محمد اشرف،شہزاد مصطفےٰ اور دیگر نمائندی شہری تنظیموں کے عہدیداران نے کہا ہے کہ گذشتہ دنوں نواحی گاﺅں 277 ای بی میں حساس ادارے کے مرحوم ملازم کی بیوہ اور بیٹیوں کو تھانہ لیجا کر برہنہ کر کے تشدد کا نشانہ بنانے والے ملزم اور معطل ایس ایچ او نے متاثرہ خاندان کے خلاف سوشل میڈیا پر زہر اگلنا شروع کر دیا،خود کو بے گناہ ظاہر کرنے کیلئے سابق ایس ایچ او تھانہ(گگومنڈی) خالد اسحاق نے منفی پراپیگنڈہ شروع کر دیا ہے جو قابل مذمت اور باعث شرم ہے،ایس ایچ او مزکورہ نے 277 ای بی کے مرحوم فوجی کی بیوی اور بیٹیوں کو بغیر کسی مقدمہ کے گھر سے چادر چار دیواری کا تقدس پامال کرتے ہوئے گرفتار کرنے کے بعد تھانے میں لے جاکر شرمناک پولیس گردی کا نشانہ بنایا تھا اور دو روز تک انہیں غیر قانونی حراست میں میں رکھ کر جرم کا ارتکاب کیا تھا جو پولیس گردی کی بدترین مثال تھی اس پر ڈی پی او وہاڑی نے ایس ایچ او سمیت دیگر پولیس اہلکاروں کے خلاف مقدمہ درج کر کے انہیں معطل بھی کر دیا تھا لیکن اب ایس ایچ او نے سوشل میڈیا پر چند مفاد پرست عناصر کو اپنا آلہٰ کار بنا کر متاثرہ خاندان کے خلاف جو جو منفی پراپیگنڈہ کیا ہو سول سوسائٹی نیٹ ورک بورے والا اسکی بھر پور مذمت کرتا ہے اور مطالبہ کیا جاتا ہے کہ ایسے شرپسند عناصر کے خلاف فوری کاروائی کی جائے۔
About Author
