سپورٹس کے ٹیلنٹ کے حوالہ سے تحصیل بورے والا مالا مال علاقہ ہے۔حسنین خالد سنپال
بورے والا(چوہدری اصغر علی جاوید سے)اسسٹنٹ کمشنر و چیئرمین تحصیل سپورٹس کمیٹی مہر حسنین خالد سنپال نے کہا ہے کہ سپورٹس کے ٹیلنٹ کے حوالہ سے تحصیل بورے والا مالا مال علاقہ ہے یہاں سے مختلف کھیلوں کے بڑے بڑے کھلاڑی پیدا ہوئے ہیں خصوصاً کرکٹ میں وقار یونس(المعروف بورے والا ایکسپریس)،محمد زاہد،محمد عرفان اور دیگر قابل ذکر ہیں،ان خیالات کا اظہار انہوں نے قائد اعظم سپورٹس سٹیڈیم میں ڈسٹرکٹ وہاڑی کی انڈر 19ٹیم کے تربیتی کیمپ میں کھلاڑیوں کو کٹیں(یونیفارم) دینے کے حوالہ سے منعقدہ تقریب سے خطاب کرتے ہوئے کیا اس موقع پر صدر ڈی سی اے چوہدری قدیر احمد سلیمی،سابق سیکرٹری ڈی سی اے سید سلیم حیدر رضوی،سابق ممبر ڈسٹرکٹ ایڈہاک کرکٹ کمیٹی وہاڑی اصغر علی جاوید،میاں حفیظ الرحمن،استاد سلیم،رانا قمر الزمان،وقاص ڈوگر،تحصیل سپورٹس آفیسر محمد جمیل،نثار اسلم شیخ کے علاوہ دیگر بھی موجود تھے حسنین خالد سنپال نے کہا ہے کہ وہ خود بھی کرکٹ کے کھلاڑی ہیں اور مختلف تحصیلوں میں سرکاری فرائض انجام دے چکے ہیں تحصیل بورے والا واقعی سٹی آف سپورٹس اینڈ ایجوکیشن ہے انہوں نے کیمپ میں تربیت حاصل کرنے والے کھلاڑیوں سے کہا کہ کہ وہ اپنے کوچ اور ٹرینر کی ہدایت کے مطابق عمل کریں اور ڈسپلن کی پاپندی کریں مہمان خصوصی اسسٹنٹ کمشنر و چیئرمین تحصیل سپورٹس کمیٹی مہر حسنین خالد سنپال نے سید انور علی شاہ کرکٹ کلب کے باسط علی گوشی شاہ کی طرف سے تحفہ میں دی جانے والی مکمل کٹس(یونیفارم) کھلاڑیوں میں تقسیم کیں۔
About Author
