دوسری شادی کرنے والی دو بچوں کی ماں کو پرسرار طور پر گلا گھونٹ کر قتل کر دیا گیا
بورے والا(چوہدری اصغر علی جاوید سے)دوسری شادی کرنے والی دو بچوں کی ماں حاملہ خاتون کو پرسرار طور پر گلا گھونٹ کر قتل کر دیا گیا،مقتولہ نے پہلے خاوند سے طلاق لیکر دوسری شادی کی تو اُس نے بھی طلاق دیدی،مقتولہ بچوں کے ہمراہ اپنے گھر موجود تھی کہ رات گئے نامعلوم افراد نے اُسے گلا دبا کر مار ڈالا،دوسرا شوہر پوچھ گچھ کیلئے حراست میں لے لیا گیا،تفصیلات کے مطابق نواحی گاﺅں505ای بی کرایہ کے مکان میں رہائش پذیر حاملہ خاتون رمضانہ بی بی جو کہ پہلے خاوند سے دو بچوں کی ماں تھی اسے رات گئے نامعلوم افراد نے گھر میں داخل ہو کر بڑی بے دردی سے اسکا گلا دبا کر موت کی وادی میں پہنچا دیا صبح ہونے پر بچوں کی چیخ و پکار سن کر اہل دیہہ کو وار دات کا علم ہوا تھانہ صدر پولیس کو واقعہ کی اطلاع کر دی گئی ابتدائی معلومات کے مطابق مقتولہ رمضانہ بی بی کی پہلی شادی نواحی گاﺅں 62طارق والا چیچہ وطنی میں ہوئی تھی جس میں سے اسکے بطن سے دو بچے بھی تھے گھریلو ناچاقی پر اسکے خاوند نے طلاق دیدی تھی جس کے بعد ڈیڑھ دو سال قبل اُسکی شادی اُسی گاﺅں کے ذوالفقار احمد نامی شخص سے ہوئی جس کے ساتھ گھریلو جھگڑے کی وجہ سے ذوالفقار نے اُسے زبانی طور پر طلاق دیدی اور کچھ عرصہ بعد دوبارہ اُسکے گھر آنا شروع کر دیا جس سے مقتولہ رمضانہ حاملہ بھی ہو چکی تھی بتایا گیا ہے کہ وقوعہ کے روز بھی دن کے وقت ذوالفقار کو اسکے گھر آتے دیکھا گیا تھا جس کی بنا پر انچارج ہومی سائیڈ سب انسپکٹر شہزاد احمد نے موقع پر پہنچ کر کرائم سین کے ذریعہ شواہد اکٹھے کرنے کے بعد اسکے دوسرے خاوند کو حراست میں لیکر پوچھ گچھ شروع کر دی ہے خاتون کی نعش کو پوسٹ مارٹم کیلئے ٹی ایچ کیو ہسپتال بورے والا منتقل کر کے تھانہ صدر پولیس نے کاروائی شروع کر دی۔
About Author
