سکول ہیڈ ماسٹر کے بنک اکاؤنٹ سے ہیکرز نے 4لاکھ 42ہزار 5سو روپے نکال لئے
بورے والا(چوہدری اصغر علی جاوید سے)سرکاری سکول ٹیچر بھی بنک اکاﺅنٹ ہیکرز کا شکار بن گیا،سکول ہیڈ ماسٹر کے اکاﺅنٹ سے ہیکرز نے 4لاکھ 42ہزار 5سو روپے نکال لئے،تمام جمع پونجی لٹ جانے کے بعد ہیڈ ماسٹر تین ماہ سے انصاف کا منتظر،بینکنگ محتسب اعلیٰ کو درخواست دیدی،تفصیلات کے مطابق ڈوگر مارکیٹ بورے والا کے رہائشی گورنمنٹ مڈل سکول 317دیوان صاحب غلام یٰسین کو تین ماہ قبل نامعلوم موبائل نمبر سے موصول ہونے والی کال میں خود کو کرنل ظاہر کرنے والے شخص نے انکے بنک اکاﺅنٹ کی تفصیلات حاصل کر لیں اگلے روز ہیڈ ماسٹر کو شک گزرا ہوئی تو اس نے بنک میں جا کر اپنا اکاﺅنٹ چیک کیا تو اس میں موجود 4لاکھ 42 ہزار 500 کی رقم نامعلوم ہیکرز نکال چکے تھے جسکی شکایت اس نے بنک انتظامیہ کو دی لیکن بنک انتظامیہ اسے مطمئن نہ کر سکی جس سے اس نے اسٹیٹ بنک اور بینکنگ محتسب کے نام تحریری درخواست دے دی لیکن تین ماہ گزرنے کے باوجود تاحال نہ ہی اسے اسکی رقم واپس ملی اور نہ ہی ہیکرز کا کوئی پتہ چل سکا متاثرہ ہیڈ ماسٹر غلام یٰسین نے بتایا کہ بنک میں اسکی ساری جمع پونچی لٹنے کے بعد وہ معاشی طور پر بدحال ہو چکا ہے بنک انتظامیہ اور بینکنگ محتسب نے بھی تاحال کوئی کاروائی نہیں کی اس نے چیف جسٹس آف پاکستان،اسٹی بنک کے حکام اور حکومت سے واقعہ کا جلد از جلد نوٹس لینے کا مطالبہ ہے۔
About Author
