پراسرار بیماری کا شکار ہو کر دونوں ٹانگوں سے مفلوج ہونے والا سیکورٹی گارڈ مسیحا کا منتظر

بورے والا(چوہدری اصغر علی جاوید سے)پراسرار بیماری کا شکار ہو کر دونوں ٹانگوں سے مفلوج ہونے والا سیکورٹی گارڈ کسی مسیحا کا منتظر،ایک سال قبل معذور ہونے والے دو کمسن بچوں کے باپ اور گھر کے واحد کفیل کی علاج کے لیے اپیل،گھر میں فاقہ کشی کے ڈیرے،خوراک نہ ملنے سے بیٹا اور بیوی بھی بیماری میں مبتلا،تفصیلات کے مطابق نواحی آبادی غلام محمد کالونی کے رہائشی غریب محنت کش رحمت علی نے اپنے دو کمسن بچوں کے ہمراہ میڈیا سے گفتگو کرتے ہوئے بتایا کہ وہ شہر میں جیولرز کی دوکان کے باہر بطور سکیورٹی گارڈ کام کرکے اپنی بیوی اور چار کمسن بچوں کا پیٹ پال رہا تھا کہ اچانک ایک سال قبل اُسکی دونوں ٹانگوں پر اسرار بیماری کا حملہ ہوا تو اُس نے کچھ عرصہ اپنی جمع پونجی لگا کر علاج کا حملہ ہوا تو اُس نے کچھ عرصہ اپنی جمع پونجی لگا کر علاج کی کوشش کی لیکن مہنگے علاج کی وجہ سے وہ اسے جاری نہ رکھ سکا اور مستقل طور پر مفلوج ہوکر چلنے پھرنے کے قابل نہ رہا اپنا گھر نہ ہونے کے باعث میری بیوی دو بچوں کو لیکر اُسی محلّے میں اپنی ولادہ کے گھر اورمیں اپنے دو کمسن بیٹوں کے ہمراہ اپنی بہن کے گھر رہائش پذیر ہو گئے لیکن میرے سسرال اور بہنوں کے گھریلو حالات پہلے ہی تنگدستی کا شکار تھے جس کے بعد گھروں میں نوبت فاقہ کشی تک جا پہنچی اسی دوران میری بیوی اور ایک بیٹا بھی خوراک پوری نہ ملنے سے بیماری میں مبتلا ہو گئے گھر کا واحد کفیل تھا روزگار ختم ہونے کے بعد اب حالات اس نیہج پر پہنچ گئے ہیں کہ ایک وقت کھانے کو روٹی ملتی ہے تو دوسرے وقت بھوکے ہی سو جاتے ہیں اہل محلہ اور قریبی عزیز کچھ امداد کرتے ہیں لیکن زندگی کے دن پورے کرنا بھی محال ہو چکا ہے ڈاکٹرز کہتے ہیں کے میرا علاج ممکن ہے جو کہ مہنگا ہے میرے پاس ایسا کوئی اثاثہ بھی نہیں جسے فروخت کر کے اپنا علاج کروا سکوں اور صحت مند ہو کر اپنے بچوں کا پیٹ پالنے کے قابل ہو جاﺅں رحمت علی نے وزیر اعظم عمران خان،وزیر اعلیٰ پنجاب اور مخیر حضرات سے اپنے علاج معالج کے لیے امداد کی اپیل کی ہے۔