بستی بیرکی کا گراﺅنڈ بلدیہ بورے والا کی مجرمانہ غفلت سے خطرناک بیماریوں کی آماجگاہ بن گیا
بورے والا(چوہدری اصغر علی جاوید سے)بورے والا کی نواحی تاریخی بستی بیرکی کا گراﺅنڈ محکمہ پبلک ہیلتھ اور بلدیہ بورے والا کی مجرمانہ غفلت سے خطرناک بیماریوں کی آماجگاہ بن گیا،گراﺅنڈ میں کئی کئی فٹ سیوریج کے پانی نے علاقہ مکینوں کی زندگیاں اجیرن بنا دیں،لوگ نقل مکانی پر مجبور ہو گئے،تفصیلات کے مطابق بورے والا کی قدیم نواحی بستی بیرکی مجاہد کالونی سے ملحقہ 445ای بی روڈ پر قائم کھلوں کا میدان گزشتہ کئی سالوں سے علاقہ میں نکاسی آپ کا انتظام نہ ہونے کی وجہ سے سیوریج کے گندے پانی سے بھر چکا ہے اس گراﺅنڈ میں پورے علاقے کے گندے پانی کی بتدریج آمد سے آپ اس سے ملحقہ آبادی کے علاقہ مکینوں کی زندگیاں اجیرن بن چکی ہیں کئی گھروں کو بھی اس پانی نے اپنی لپیٹ میں لے لیا ہے اور پورے علاقہ میں شدید تعفن پھیل چکا ہے جس سے خطرناک وبائی امراض پھوٹ پڑے ہیں ان بدترین حالات کو دیکھتے ہوئے علاقہ مکین نقل مکانی پر مجبور ہو گئے ہیں کئی ایکڑ اراضی پر گھڑا یہ گندہ پانی سنگین صورتحال اختیار کر چکا ہے اس صورتحال پر پی ٹی آئی کے سٹی صدر و کونسلر بلدیہ ملک فاروق احمد اعوان نے احتجاج کرتے ہوئے کہا ہے کہ پچھلے دور کی سیاسی جنگ کی وجہ سے یہ گراﺅنڈ بہت بڑی جھیل میں تبدیل ہو گیا ہے لوگ تعفن اور بیماریوں کے ڈر کی وجہ سے نقل مکانی کرنے پر مجبور ہو گئے ہیں زاہدہ آباد 445ای بی اور بیرکی کے زرعی اراضی پر گندے پانی سے کاشت ہونےوالی سبزیاں لوگوں کو طرح طرح کی بیماریوں میں مبتلا کر رہی ہیں جگہ جگہ بھینسوں کے با ڑے کھل چکے ہیں جہاں سائیلج کی گندگی اور بدبو سے بچے،جوان،عورتیں اور بوڑھے لوگ سانس اور دیگر بیماریوں میں مبتلا ہوچکے ہیں کئی دفعہ ڈی سی وہاڑی اور چیئرمین بلدیہ سے رابطہ کیا گیا لیکن انکے عملے پر جوں تک نہیں رینگی ہمارا مطالبہ ہے کہ جلد از جلد اس مسئلے کو حل کر کے لوگوں کی جان چھڑ وائی جائے اس موقع پر علاقہ مکینوں چوہدری ابرار حسین جٹ ایڈووکیٹ،غلام حسین بھٹی،قربان بھٹی،محمود کمبوہ،شاہد آرائیں اور ملک اشتیاق اعوان ایڈووکیٹ نے بھی اصلاح احوال کا مطالبہ کیا ہے۔
About Author
