لڑکی کے اغوا کا ڈرامہ رچا کر ایک منظم گروہ ہمیں بلیک میل کر رہا ہے۔افتخار احمد چوہان
بورے والا(چوہدری اصغر علی جاوید سے)چیئرمین یونین کونسل افتخار احمد چوہان نے کہا ہے کہ نواحی گاﺅں 451ای بی بھاگاں والی بستی کی رہائشی مقبولاں بی بی اور اسکے والدین ایک منظم گروہ کے ذریعے ہمیں بلیک میل کر رہے ہیں،چھ سال قبل گھر سے بھاگنے والی لڑکی کو اغوا کا رنگ دیکر ہمارے مخالفین کے ایماء پر میرے خلاف جھوٹے اور شرمناک الزامات لگاتے ہوئے میری شہرت کو نقصان پہنچانے کی مذموم کوشش کر رہے ہیں چھ سال قبل غائب ہونے والی لڑکی کے ورثاء نے اس وقت کسی بھی فورم پر یہ شکایت درج نہیں کروائی بلکہ مقامی لوگوں کو بھی اس کے اغواءکے بارے میں کوئی علم نہیں لڑکی کا اپنے والدین سے ٹیلی فون پر مسلسل رابطے کے ثبوت بھی موجود ہیں جبکہ انہوں نے میرے سیاسی مخالفین کے ایماء پر اسی لڑکی کے اغوا کا ایک جھوٹا وقوعہ بنا کر میرے خلاف جو زہریلا پراپیگنڈا شروع کیا ہے اسکی تحقیقات پولیس کر رہی ہے بہت جلد تمام حقائق سامنے آ جائیں گے حقائق پر پردہ پوشی کر کے کسی شریف آدمی پر بے بنیاد الزامات عائد کرنا انتہائی شرمناک ہے میرے خلاف درخواست کا گواہ عبدالغفار موچی پیشہ ور جرائم پیشہ شخص ہے جس کے خلاف تھانہ صدر میں متعدد مقدمات بھی درج ہیں یہ بلیک میلروں پر مشتمل ایک منتظم گروہ ہے جو مختلف طریقوں سے شریف لوگوں کو جھوٹے مقدمات میں ملوث کر کے بلیک میل کرتے ہیں،ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا انہوں نے کہا کہ میرا ضمیر مطمئن ہے میں کسی سے بلیک میل نہیں ہونگا اگر اس جھوٹے وقوعہ میں ایک فیصد بھی میرا عمل دخل ثابت ہوجائے تو چوک میں کھڑا کر کے سنگسار کردیا جائے۔
About Author
