تجاوزات کے خلاف آپریشن،ایک ارب سے زائد مالیت کی قیمتی سرکاری کمرشل اور زرعی اراضی واگزار
بورے والا(چوہدری اصغر علی جاوید سے)تجاوزات کے خلاف گرینڈ آپریشن کے دوران 7روز میں ایک ارب سے زائد مالیت کی قیمتی سرکاری اراضی واگزار کروالی گئی،دوران آپریشن محکمہ ہائی وے کی جگہ پر قائم ناجائز کمرشل مارکیٹیں اور دیہات میں زرعی سرکاری اراضی واگزار کروائی گئی،671کینال زرعی جبکہ 22کینال کمرشل سرکاری اراضی ناجائز قابضین سے واگزار ہو گئی،تفصیلات کے مطابق اسسٹنٹ کمشنر بورے والا سید نوید عالم،نائب تحصیلدار چوہدری امتیاز احمد وڑائچ اور چیف آفیسر بلدیہ راﺅ محمد علی کی قیادت میں بلدیہ بورے و الا،محکمہ ریونیو،محکمہ ہائی وے اور روڈز نے پولیس کی مدد سے ہیوی مشینری کے ساتھ شہر کے مختلف علاقوں ملتان روڈ چونگی نمبر5،لاری اڈا،چیچہ وطنی روڈ اور دیہات میں تجاوزات کے خلاف گرینڈ آپریشن کے ذریعہ مجموعی طور پر ساتھ روز کے دوران 671کینال زرعی سرکاری اراضی اور 22کینال کمرشل سرکاری اراضی جن پر مارکیٹیں قائم تھیں واگزار کروالی واگزار کروائی جانے والی سرکاری اراضی کی مالیت ایک ارب سے زائد بتائی جاتی ہے ڈی سی وہاڑی عرفان علی کاٹھیا اور اسسٹنٹ کمشنر سید نوید عالم کے مطابق یہ آپریشن بلا تفریق جاری رہے گا جس میں کچی آبادیوں،ملکیتی جائیدادوں اور ریڑھی والوں کے خلاف کوئی کاروائی نہیں ہو گی اسکے علاوہ سرکاری اراضی پر تمام ناجائز قابضین کے خلاف کاروائی کرتے ہوئے سرکاری اراضی کا ایک ایک انچ واگزار کروایا جائے گا جس میں کسی قسم کی سفارش یا دباﺅ قبول نہیں کیا جائے گا تمام ناجائز قابضین کو نوٹس جاری کیے جا رہے ہیں نوٹس ملنے پر جو قابضین خود جگہ خالی کردیں گے وہ نقصان سے بچ سکیں گے بصورت دیگر بھاری مشینری کی مدد سے انہیں مسمار کر دیا جائے گا۔
About Author
