ڈونلڈ ٹرمپ کا سعودی عرب کے متعلق مضحکہ خیز بیان اسکی فرعونیت کی عکاس ہے۔مصطفےٰ بھٹی

بورے والا(چوہدری اصغر علی جاوید سے)بلدیہ بورے والا کے اپوزیشن لیڈر غلام مصطفےٰ بھٹی،سٹی صدر پی ٹی آئی ملک فاروق اعوان،کونسلر بلدیہ شہباز حسین باجا بھٹی اور شکیل حشمت نے کہا ہے کہ ڈونلڈ ٹرمپ کا سعودی عرب کے متعلق مضحکہ خیز بیان اسکی فرعونیت کی عکاس ہے،سعودی عرب پوری دنیا کے مسلمانوں کا مرکز ہے اور امریکی صدر کا یہ بیان پوری مسلم امہ کو کھلم کھلا دھمکی ہے لیکن پاکستان سمیت پوری مسلم امہ سعودی عرب کی داخلی،خارجی اور نظریاتی سرحدوں پر کسی کو میلی آنکھ سے نہیں دیکھنے دے گی،پاکستان فوج نے پہلے بھی حجاز مقدس کی حفاظت کے لیے ہمیشہ اپنی خدمات پیش کی ہیں اور آئندہ بھی امریکہ یا کسی بھی اسلام دشمن کی ہر سازش کا ڈٹ کر مقابلہ کرے گی،سعودی عرب،پاکستان اور چائنہ کا سی پیک منصوبہ میں مشترکہ طور پر آگے بڑھنا امریکہ کے لیے ایک بڑا چیلنج بن چکا ہے اور امریکی صدر اب اس منصوبے کے تینوں اتحادیوں کو متحد ہوتا نہیں دیکھ سکتا پاکستانی قوم اب عمران خان کی قیادت میں ہر محاذ پر امریکہ کی آنکھوں میں آنکھیں ڈال کر بات کرنے کی پوری صلاحیت رکھتی ہے امریکی صدر سعودی قیادت کی تبدیلی کے حوالہ سے کسی خوش فہمی کا شکار ہیں،ان خیالات کا اظہار انہوں نے میڈیا سے گفتگو کرتے ہوئے کیا۔