پنجاب حکومت کی ہدایت پر تجاوزات کے خلاف لاری اڈا سے چونگی نمبر5 تک گرینڈ آپریشن کا آغاز
بورے والا(چوہدری اصغر علی جاوید سے)پنجاب حکومت کی ہدایت پر تجاوزات کے خلاف آپریشن کا پہلا روز،لاری اڈا سے ملتان روڈ چونگی نمبر5تک گرینڈ آپریشن،بڑے سائن بورڈ،کھوکھے اور دیگر تجاوزات کو بھاری مشینری سے گرا دیا گیا،اکثر مقامات پر شہریوں نے ازخود تجاوزات گرا دیں،شہریوں اور سول سوسائٹی کی جانب سے آپریشن بلا امتیاز کرنے کا مطالبہ،تفصیلات کے مطابق پنجاب حکومت کی ہدایت پر اسسٹنٹ کمشنر بورے والا سید نوید عالم کی زیر قیادت چیف آفیسر بلدیہ راﺅ محمد علی،تحصیلدار چوہدری امتیاز احمد وڑائچ،محکمہ ہائی وے کے ایس ڈی او ایم اینڈ آر محمد بشیر کی نگرانی میں میونسپل کمیٹی،محکمہ ہائی وے اور محکمہ مال کے عملہ نے بھاری مشینری کی مدد سے لاری اڈا سے ملتا ن روڈ چونگی نمبر 5تک تجاوزات کے خلاف گرینڈ آپریشن کا آغاز ہو گیا ہے اس دوران ٹیم نے بڑے بڑے سائن بورڈ،دوکانوں کے سامنے بنے شیڈ،کھوکھے اور دیگر تجاوزات کو مسمار کر دیا دوران آپریشن اسسٹنٹ کمشنر سید نوید عالم اور ایس ڈی او محکمہ ہائی وے اپنی گاڑی میں ساتھ رہے اس موقع پر سول سوسائٹی کے ارکان سید سجاد حسین بخاری،عدیل مختار،چوہدری اصغر جاوید،میاں طارق محمود،حافظ جنید احمد،شیر خاں کھچی،رانا سرفراز،مسعود عابد اور محمد کریم سیفی بھی اس آپریشن کا جائزہ لیتے رہے متعدد مقامات پر اسسٹنٹ کمشنر نے مصلحت پسندی کے تحت کئی جگہوں پر تجاوزات کے خاتمہ کے لیے دوکانداروں کو 24گھنٹے کی مہلت بھی دے دی سول سوسائٹی اور شہریوں نے اس آپریشن کا خیر مقدم کرتے ہوئے مطالبہ کیا ہے کہ اس آپریشن میں امیر اور غریب کے ساتھ یکساں سلوک کر کے بلا امتیاز آپریشن کو یقینی بنایا جائے۔
About Author
