محکمہ بلڈنگ وہاڑی میں 30سال سے تعینات سب انجنیئر کی مبینہ کرپشن بارے حیران کن انکشافات
بورے والا(چوہدری اصغر علی جاوید سے)محکمہ بلڈنگ وہاڑی میں 30سال سے تعینات سب انجنیئر کی مبینہ کرپشن بارے حیران کن انکشافات،نیب کو فراہم کردہ معلومات میں 20سال قبل ساڑھے تین ایکڑ کا مالک سب انجنیئر محمد موسیٰ ضلع کا امیر ترین سب انجنیئر بن گیا،بیوی،بچوں اور اپنے نام خریدے گئے کروڑوں روپے کے پلاٹ،کوٹھی،زرعی زمین اور دیگر جائیداد کے دستاویزی ثبوت بھی سامنے آ گئے،نیب نے سب انجنیئر کے خلاف تحقیقات کا آغاز کر دیا،تفصیلات کے مطابق بورے والا کے نواحی گاﺅں 333ای بی کے رہائشی 30سال قبل محکمہ بلڈنگ میں بطور سب انجنیئر بھرتی ہونے والے محمد موسیٰ نامی ملازم کے خلاف اسی گاﺅں کے منظور احمد نامی اسکے قریبی رشتہ دارنے نیب کے نام دی گئی تحریری درخواست میں انکشاف کیا ہے کہ محمد موسیٰ 1988میں محکمہ بلڈنگ میں جب بطور سب انجنیئر بھرتی ہوا انکی وارثتی جائیداد نواحی گاﺅں 333ای بی میں صرف ساڑھے تین ایکڑ زرعی اراضی تھی جبکہ اس نے آج تک اپنے بیٹوں،بیٹیوں اور بیوی کے نام سے کروڑوں روپے کی جائیداد محکمہ میں مبینہ کرپشن کر کے بنا لی ہے جس کی تفصیل بتاتے ہوئے انکشاف کیا ہے کہ اس نے اب تک مختلف ادوار میں عارف والا کے نواحی گاﺅں68ای بی میں اپنی بیوی اور اپنے نام سے کروڑوں روپے کی 59کینال قیمتی زرعی اراضی خریدی ہے،گلشن نور ہاﺅسنگ سکیم 505ای بی بورے والا میں اپنی بیوی اور دو بیٹوں کے نام 16مرلے کا ایک پلاٹ،اسی کالونی میں 6مرلہ کی ایک قیمتی کوٹھی اپنی بیوی کے نام،سلمان ٹاﺅن میں دونوں میاں بیوی کے نام 10،10مرلہ کے پلاٹ،گلشن نور ہاﺅسنگ کالونی میں 6مرلہ اپنی بیوی اور5،5مرلے اپنے دو بیٹوں مجتنےٰ اور مرتضیٰ کے نام،گلبرگ ٹاﺅن دونوں میاں بیوی کے نام10،10مرلہ کے دو پلاٹ جنکی مالیت کروڑوں روپے بنتی ہے اسکے علاوہ لڈن موضع غازی کھرانہ میں92ایکڑ ازرعی اراضی اپنی بیوی کے نام پر ٹھیکہ پر لے رکھی ہے جس میں درخواست گزار بھی حصہ دار ہے،گرلز سکول تکیہ نواب وہاڑی میں محکمہ اوقاف کی کروڑوں روپے کی ڈیڑھ کینال کمرشل اراضی پر قبضہ کر کے وہاں کمرشل دوکانیں اور ایک کوٹھی بھی بنا رکھی ہے اس کوٹھی میں اسکی بہن رہائش پذیر ہے محمد موسیٰ نے اپنے قریبی رشتہ داروں محمد ارشد ولد زاہد حسین سکنہ ملتان اور محمد اسلم ولد رحمت اللہ سکنہ 409ای بی کے نام سے بے نامی اکاﺅنٹ بنا رکھے ہیں جن کی چیک بکس اور اے ٹی ایم اپنے پاس رکھے ہیں دونوں اکاﺅنٹ ہولڈرز کو یہ نہیں پتہ کہ انکے اکاﺅنٹ میں کہاں سے رقوم آتی ہے اور پھر انہی اکاﺅنٹس سے کہاں جاتی ہیں فرضی ناموں سے محکمہ بلڈنگ کے سالانہ مرمت کے حوالہ سے فرضی کوٹیشنز لگوا کر کروڑوں روپے انہی کے اکاﺅنٹس سے نکلوائے ہیں درخواست گزارنے نیب کو جائیدادوں کے دستاویزی ثبوت بھی فراہم کر دئیے ہیں جبکہ اس نے دوران انکوائری مذید انکشاف سامنے لانے کا بھی یقین دلایا ہے نیب نے منظور احمد کی اس درخواست پر تحقیقات کا آغاز کر دیا ہے نیب نے 4ستمبر کو اس درخواست کی روشنی مین ابتدائی انکوائری شروع کر دی ہے اس سلسلہ میں جب سب انجنیئر محمد موسیٰ جس کے پاس اب ایس ڈی او بلڈنگ کا بھی چارج ہے ان سے موقف جاننے کے لیے رابطہ کیا تو انہوں نے بتایا کہ میرے خلاف یہ درخواست حقائق پر مبنی نہیں ہے نیب انکوائری کر رہا ہے جب مجھے بلایا جائے گا تو میں ان الزامات کا دفاع کروں گا میں نے جو بھی جائیداد بنائی ہے میری محنت کی کمائی ہے کرپشن نہیں کی درخواست گزار میرا رشتہ دار ہے جس نے میری بیوی سے ملکر زمین ٹھیکہ پر لی اور اس نے مجھے دھوکہ دیا میں نے اسے ٹھیکہ سے فارغ کر دیا ہے جسکے جواب میں وہ یہ درخواست بازی کر رہا ہے۔
About Author
