شہر چوروں کی آماجگاہ بن گیا،پولیس جرائم پیشہ عناصر کے سامنے بے بس نظر آتی ہے۔حافظ یاسر
بورے والا(چوہدری اصغر علی جاوید سے)شہر چوروں،ڈکیتوں کی آماج گاہ بن گیا،جرائم کی وارداتوں نے شہریوں کی زندگی اجیرن کر دی،آئے روز ڈکیت کھلے عام بلاخوف و خطر شہریوں کو لوٹ رہے ہیں،پولیس جرائم پیشہ عناصر کے سامنے بے بس نظر آتی ہے،شہری پولیس کے خلاف سراپا احتجاج،تفصیلات کے مطابق تحصیل میں آئے روز ڈکیتیوں کی وارداتوں نے شہریوں کا گھر سے نکلنا محال کر دیا ہے دن ہو یا رات شہری خوف اور عدم تحفظ کی وجہ سے گھروں میں محصور ہو کر رہ گئے ہیں راہزنی کی وارداتوں کا شکار افراد پولیس کے غیر پیشہ وارانہ رویے سے مایوس ہر کرتھانے جا کر رہورٹ کرنے سے بھی کترانے لگے ایف آئی آر کے اندراج کے لیئے قائم سیل میں ای ٹیگ نمبر حاصل کرنے کے بعد بھی ایف آئی آر کا اندراج نہی کیا جاتا پولیس مختلف حیلے بہانوں اور ٹال مول سے کام لے کر ڈنگ ٹپاﺅ پالیسی پر کام کر رہی ہے نواحی آبادی وڑائچ ٹاﺅن کے رہائشی امام مسجد حافظ اسامہ نے میڈیا کے نمائندوں سے گفتگو میں بتایا کہ تین ستمبر کی رات عشا کی نماز پڑھا کر گھر جاتے ہوئے تین مسلح ڈاکوﺅں نے جان سے مار دینے کی دھمکی دے کر تنخواہ دس ہزار اور موبائل سے محروم کر دیا تھا جس کی فوری اطلاع ون فائیو پر کی گئی اور بعدازاں کاروائی کے لیئے دی گئی اپلیکیشن کا کمپیوٹر نمبر لینے کے اور تھانہ کے چکر لگا کر تھک جانے اور ڈی ایس پی حافظ خضر سے مل کر تمام تفصیل آگاہ کر دینے کے بعد بھی آج ستائیس دن گزر چکے مگر ایف آئی آر کا اندراج نہ ہو سکا ہے کمپیوٹر سلپ پر پولیس سیل کے درج نمبر اوف ملتے ہیں اور آئی جی کمپلینٹ سیل نمبر8787 پر بھی کال کے پیسے ضائع ہو جانے کے باوجود رابطہ نہی ہوتا مقامی نمائندہ شہریوں سلطان افضل واہلہ،ڈاکٹر جمیل احمد،حاجی عبداللہ،حاجی ظہیر اسلام،رانا ارشد،جاوید گجر نے شہر کی بگڑی لا اینڈ آرڈر کی صورتحال اور پولیس کے موجودہ تحصیل اور ضلعی افسران کی جرائم پر چشم پوشی اور انصاف کی عوام کو عدم فراہمی پر آئی جی پنجاب،آر پی او ملتان اور اعلیٰ حکام سے نوٹس لینے کا مطالبہ کیا ہے۔
About Author
