نیب اپنے فیصلے میں کہیں بھی نواز شریف اور مریم نواز پر کرپشن ثابت نہیں کرسکا۔نذیر آرائیں،خالد ڈوگر

بورے والا(چوہدری اصغر علی جاوید سے)ہائیکورٹ سے نواز شریف،مریم نواز اور کیپٹن صفدر کی سزائیں معطل ہونے کی خوشی میں سابق ایم این اے چوہدری نذیر احمد آرائیں،ایم پی اے سردار خالد محمود ڈوگر اور محمد جمیل بھٹی کی قیادت میں پریس کلب کے سامنے مٹھائیاں تقسیم،کارکنان نے نواز شریف زندہ باد،وزیر اعظم نواز شریف کے نعرے لگائے،قبل ازیں پریس کلب میں بھی خوشی کا جشن منایا گیا اس موقع پر اپنے خطاب میں چوہدری نذیر احمد آرائیں،ایم پی اے سردار خالد محمود ڈوگر،ضلعی صدر انجمن تاجران محمد جمیل بھٹی،میڈیا کوآرڈینٹر محمد اسلم جمال نے کہا کہ نواز شریف کو نیب سے ہونے والی سزا ہماری شامت اعمال تھی اور ہائی کورٹ کا موجودہ فیصلہ اللہ تعالیٰ کا ہم پر احسان ہے نیب نے نواز شریف کو جن غیر جمہوری قوتوں کی چٹوں کی روشنی میں فیصلہ سنایا تھا وہ انصاف پر مبنی نہیں تھا نیب اپنے فیصلے میں کہیں بھی میاں نواز شریف،مریم نواز اور کیپٹن صفدر پر کرپشن ثابت نہیں کرسکا جبکہ ہائی کورٹ کے فیصلہ نے نواز شریف خاندان کی بے گناہی ثابت کر کے عدلیہ کا وقار بلند کر دیا ہے عدلیہ کا یہ فیصلہ حقائق اور سچ پر مبنی ہے کارکنان محرم الحرام کے تقدس کو ملحوظ خاطر رکھتے ہوئے آج کی اس بے مثال خوشی پر گھروں میں اللہ کے حضور شکرانے کے نوافل پڑھیں تکبر اور غرور کا سر نیچا اور حق سچ کی فتح مسلم لیگ(ن) کے موقف کی کامیابی ہے اس موقع پر بزرگ لیگی راہنماء،چاچا ملک محمد اسلم،ممبر ضلع کونسل نزیر رندھاوا،لیگی راہنماء سردار شاہد ڈوگر،محمد اسامہ چوہدری،خان خالد خاں،ضلعی صدر مسلم لیگ(ن)یوتھ ونگ منظور برکت ماڑی والا،سٹی صدر شاہد نواب خاں،شاہد کریم ڈوگر،چوہدری فرخ اسلام،چوہدری ارشاد حسین،کونسلر بلدیہ رانا مظہر مختار،محمد طارق طور،جمیل شاہد رحمانی،راﺅ غفار علی،چوہدری عبدالرشید بگیانوالہ،نادر خاں برکی،ڈاکٹر محمد رضوان سلیمی،ڈاکٹر طلہٰ پرویز اور دیگر راہنماء بھی موجود تھے۔