ماحولیاتی آلودگی کے چیلنج کا سامنا کرنے کیلئے ملک کے چپے چپے پر درخت لگانا ہونگے۔چوہدری عبدالجبار

بورے والا(چوہدری اصغر علی جاوید سے)اسسٹنٹ کمشنر وہاڑی چوہدری عبدالجبار گجر نے کہا ہے کہ ماحولیاتی آلودگی کے چیلنج کا سامنا کرنے کیلئے ملک کے چپے چپے پر درخت لگانا ہونگے اگر ہم نے اپنی آئندہ آنے والی نسلوں کا مستقبل محفوظ بنانا ہے تو ہمیں جنگی بنیادوں پر شجرکاری کو مشن بنانا ہو گا،حکومتی سطح پر جو شجر کاری مہم جاری ہے اس میں سول سوسائٹی کا کردار لائق تحسین ہے،پودوں کو لگا کر ہمیں اپنے بچوں کی طرح انکی پرورش کرنا ہو گی،شیخ شہزاد مبین کی قیادت میں بورے والا میں جو تحریک شروع ہوئی ہے یہ اب پورے ملک میں پھیل چکی ہے،بورے والا کو مثال بنا کر دیگر شہروں میں بھی اسی تناسب سے شجرکاری بہت ضروری ہے،ان خیالات کا اظہار انہوں نے گرین بورے والا موومنٹ کے تحت شیخ شہزاد مبین کی جانب سے شہریوں میں مفت پودے تقسیم کرنے کے پانچویں کیمپ میں پودے تقسیم کرنے کے بعد میڈیا سے گفتگو کرتے ہوئے کیا اس موقع پر شیخ شہزاد مبین،چوہدری قیصر نذیر،شیخ شاہ رُخ،سید سجاد حسین بخاری،ندیم مشتاق رامے،زعیم الرشید،سید زاہد حسین مشہدی،سید اظہر گیلانی،محمد لطیف خلجی،حافظ جنید احمد،چوہدری اصغر علی جاوید،محمد شیر خاں کھچی،حافظ محمد طارق،مسعود عابد رشید اور گرین موومنٹ کے دیگر آرگنائزر بھی موجود تھے۔