ماحولیاتی آلودگی اور گرمی کی شدت کو کم کرنے کیلئے نئے درخت لگانا ہمارا مشن ہے۔شیخ شہزاد مبین
بورے والا(چوہدری اصغر علی جاوید سے)معروف سماجی شخصیت سرسبز و شاداب بورے والا تحریک کے سرپرست شیخ شہزاد مبین نے کہا ہے کہ ماحولیاتی آلودگی اور گرمی کی شدت کو کم کرنے کے لیے نئے درخت لگانا ہمارا مشن ہے آئندہ آنے والی نسلوں کو صحت مند ماحول فراہم کرنے کے لیے ہر محب وطن شہری اپنے حصے کا پودا لگا کر اپنی قومی ذمہ داری پورے کرے سرکاری تعلیمی اداروں ،ہسپتالوں اور تمام سرکاری دفاتر کے علاوہ ہمیں ہر گھر میں ایک پودا لگانا ہے سرسبز و شاداب بورے والا کی جو تحریک چھ ماہ قبل شروع کی تھی وہ اب سرسبز و شاداب پاکستان کے نام سے ملک بھر میں پھیل چکی ہے بورے والا میں اب تک 25ہزار سے زائد پودے مفت تقسیم کیے جا چکے ہیں اسی شجر کاری مہم میں 37ہزار پودے لگانے کا ہدف انشاءاللہ مکمل کرنا ہمارا عزم ہے،ان خیالات کا اظہار انہوں نے یوم دفاع اور شجر کاری مہم کے سلسلہ میں گورنمنٹ گرلز ہائی سکول سیٹلائٹ ٹاﺅن میں پودا لگانے کی تقریب میں میڈیا سے گفتگو کرتے ہوئے کیا اس موقع پر ہیڈ مسٹریس مس صدف نذیر،گرین بورے والا موومنٹ کے چیف آرگنائزر سید سجاد حسین بخاری،چیئرمین چوہدری اصغر علی جاوید،آرگنائزر پروفیسر جاوید اقبال،چوہدری قیصر نذیر اور دیگر نمائندہ شخصیات بھی موجود تھیں۔
About Author
