سر سبز و شاداب بورے والا کی تحریک اب پورے ملک میں پھیل چکی ہے۔عاشق آرائیں،شیخ شہزاد مبین
بورے والا(چوہدری اصغر علی جاوید سے)چیئرمین بلدیہ بورے والا چوہدری محمد عاشق آرائیں نے کہا ہے کہ ملک کو سر سبز بنانے کے لیے ہر پاکستانی کو اپنا کردار ادا کرنا ہو گا،بورے والا میں سر سبز و شاداب بورے والا کی تحریک اب پورے ملک میں پھیل چکی ہے،سول سوسائٹی اور میڈیا نے شیخ شہزاد مبین کی قیادت میں اب تک شہریوں اور سرکاری اداروں کو جو ہزاروں پودے مفت تقسیم کیے ہیں وہ دیگر شہروں کے عوام کے لیے بھی قابل تقلید ہے،عوام کا جذبہ اور ملک سے محبت اس وطن عزیز کو سر سبز بنانے میں اہم کردار ادا کر رہی ہے ہر شہری کو چاہیے کہ اپنے حصے کا پودا لگا کر اس تحریک کو کامیابی سے ہمکنار کرنے میں اپنا کردار ادا کرے ہم نے مل کر آئندہ آنے والی نسلوں کو آلودگی سے پاک صحت مند فضاء کی فراہمی کے لیے اپنے شہر اور ملک کو سرسبز و شاداب بنانا ہے،ان خیالات کا اظہار انہوں نے تفریحی پارک آئی بلاک میں سر سبز و شاداب بورے والا پروگرام کے تحت گرین بورے والا موومنٹ کے سر پر ست شیخ شہزاد مبین،سید سجاد حسین بخاری،چوہدری اصغر علی جاوید،کونسلر بلدیہ رانا شاہد سرور،(ر)پروفیسر جاوید اقبال،صدر پریس کلب اصغر علی جاوید(کامریڈ)،سید زاہد حسین مشہدی،سید اظہر گیلانی،فہیم رشید،مسعود عابد،شیر خاں کھچی،سرفراز علی رانا،انجینئر بلدیہ اے ڈی خاں،چوہدری قیصر نذیر،شیخ شاہ رُخ اور دیگر شخصیات کے ہمراہ شجر کاری کا پودا لگانے کے بعد میڈیا سے گفتگو کرتے ہوئے کیا اس موقع پر شیخ شہزاد مبین نے میڈیا کو بتایا کہ سر سبز و شاداب بورے والا تحریک کے تحت اب تک ہم عام شہریوں،تعلیمی اداروں اور تفریحی پارکوں سمیت دیگر اہم مقامات کے لیے 25ہزار سے زائد نایاب پودے مفت تقسیم کر چکے ہیں ہم انشاءاللہ بور ے والا کو سرسبز پاکستان کا مثالی شہر بنائیں گے بعد ازاں شیخ شہزاد مبین نے اپنی ٹیم کے ہمراہ کامرس کالج میں بھی شجر کاری مہم کا پودا لگایا۔
About Author
