ڈکیتیوں کا سلسلہ نہ رک سکا،ناکہ لگا کر ڈاکوﺅں کی لوٹ مار،مذاحمت پر نوجوان زخمی

بورے والا(چوہدری اصغر علی جاوید سے)بورے والا جرائم پیشہ افراد کے نرغے میں،ڈکیتیوں کا سلسلہ نہ رک سکا،ناکہ لگا کر ڈاکوﺅں کی لوٹ مار،مذاحمت پر نوجوان زخمی،آڑھتی سے 60ہزار نقدی چھین لی گئی،وار داتوں کا سلسلہ نہ رک سکا،شہریوں میں خوف کی فضاء،تفصیلات کے مطابق بورے والا شہر اور گردونواح میں ایک ماہ سے جاری ڈکیتیوں اور راہزنی کی وار داتوں کا سلسلہ نہ رک سکا گذشتہ روز نواحی گاﺅں327ای بی کا رہائشی محمد عمر سجاد اپنی والدہ کے ہمراہ موٹر سائیکل پر نواحی گاﺅں 463ای بی جا رہا تھا کہ گاﺅں 463ای بی کے باہر ناکہ لگا کر لوٹ مار میں مصروف 5نامعلوم مسلح ڈاکوﺅں نے دونوں ماں بیٹا کو بھی روک لیا اور اُن سے 10ہزار روپے نقدی اور موبائل چھیننے کے علاوہ خاتون کے کانوں سے قیمتی طلائی بالیاں بھی نوچ لیں عمر کی مذاحمت پر ڈاکوﺅں نے پستول کے بٹ مار کر اُسے زخمی کر دیا اور اندھا دھند فائرنگ کرتے ہوئے فرار ہو گئے دوسرے واقعہ میں نیوسبزی منڈی کا آڑھتی ملک حمید اللہ سکنہ صدام ٹاﺅن اپنی دوکان پر موجود تھا کہ دو نامعلوم مسلح موٹر سائیکل سوار آئے جنہوں نے گن پوائنٹ پر آڑھتی سے 60ہزار رو پے نقدی لوٹ لی اور اطمینان سے فرار ہو گئے شہر اور گردونواح میں جاری ان وارداتوں اور جرائم پیشہ افراد کی کاروائیوں سے شہری شدید خوف میں مبتلا ہیں اور شہر ان جرائم پیشہ افراد کے نرغے میں آچکا ہے اس بدترین صورتحال پر شہریوں نے وزیر اعلیٰ پنجاب اور آئی جی پنجاب سے نوٹس لینے کا مطالبہ کیا ہے۔