بچوں کی تعلیم و تربیت پر جتنی بہتر توجہ دی جائے گی،اتنی ہی اچھی قوم تیار ہو گی۔عرفان علی،ایوب خان
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا اور ڈپٹی کمشنر بہاولپور محمد ایوب خان نے کہا ہے کہ تعلیمی ادارے کسی بھی قوم کی تر قی میں اہم کر دار ادا کرتے ہیں،بچوں کی تعلیم و تربیت پر جتنی بہتر توجہ دی جائے گی اتنی ہی اچھی قوم تیار ہو گی،فلاح انسانیت کے کام دنیا اور آخرت دونوں میں اجر کا باعث بنتے ہیں ہم نے پاکستان کو دنیا کا ایک ترقی یافتہ ملک بنانا ہے جس کیلئے تمام لوگوں کو مل جل کر کام کرنا ہو گا،مخیر حضرات کو بھی مختلف شعبہ زندگی میں اپنا کر دار ادا کرنا ہو گا تاکہ عام انسانوں کی بھلائی ہو سکے،ان خیالات کا اظہار انہوں نے نواحی گاﺅں چک نمبر203ای بی میں کوثر مجید فاﺅنڈیشن کے زیر اہتمام کوثر مجید گرلز ماڈل ہائی سکول میں جشن آزادی و تقسیم انعامات کی تقریب سے خطاب کرتے ہوئے کیا اس موقع پر اسسٹنٹ کمشنر بورے والا محمد عظیم ربانی،ڈی ایم او وہاڑی ڈاکٹر ایاز خان،مسلم لیگی راہنما سردار شاہد ڈوگر،چیئرمین بلدیہ بورے والا چوہدری محمد عاشق آرائیں،وائس چیئرمین بلدیہ حاجی محمد افتخار بھٹی،ڈی ایس پی بورے و الا حافظ خضر زمان، ڈپٹی رجسٹرار لاہور ہائی کورٹ لاہور سید عابد حسین بخاری،میڈیکل سپرنٹنڈنٹ ٹی ایچ کیو ہسپتال بورے والا ڈاکٹر امجد شکیل،ڈپٹی میڈیکل سپرنٹنڈنٹ ڈاکٹر محمد عمران بھٹی،پرنسپل پنجاب کالج پروفیسر مجید اکبر،پرنسپل سپیرئیر کالج میاں آصف سردار،صدر سندس فاﺅنڈیشن لاہور محمد یٰسین خان،چیئرمین گیس اینڈ آئل پاکستان پرائیویٹ لمیٹڈ خالد ریاض،سی ای او مائی پٹرول طارق وزیر علی،صدر چیمبر آف کامرس وہاڑی میاں خالد،پروفیسر خوشی محمد شہزاد،پروفیسر جاوہد اقبال خان،پروفیسر کرامت شکیل،چیئرمین گلوبل یوتھ ونگ سید سجاد حسین بخاری،ضلعی صدر مسلم لیگ(ن)یوتھ ونگ منظور برکت ماڑی والا،پروفیسر ظفر عبداللہ،میاں خالد حسین اور دیگر معززین علاقہ،اساتذہ اور طا لبات موجود تھیں تقریب سے خطاب کرتے ہوئے کوثر مجید فاﺅنڈیشن کے ڈائریکٹر شیخ شہزاد مبین نے کہا کہ ہمارا مقصد ہے کہ ہم اپنے علاقے کے لوگوں کی خدمت کریں اور ایسے منصوبوں پر کام کریں جس سے عام انسان کو فائدہ ہو تعلیم اور صحت ایسے شعبے ہیں جن پر بہت کام ہو سکتاہے کوثر مجید گرلز ماڈل سکول کی اساتذہ اور طالبات کی محنت کا نتیجہ ہے کہ ہماری طالبات نے میٹرک کے امتحانات میں بہت اچھے نمبر حاصل کئے ہیں یہی بچے بڑے ہو کر اپنے ملک اور اس علاقے کی بھاگ دوڑ سنبھالیں گے ہم نے اپنے ملک کی خدمت کرنی ہے اور ان بچوں کا مستقبل سنوارنا ہے اور جو لوگ پیچھے رہ گئے ہیں ان کو اپنے ساتھ لے کر چلنا ہے قبل ازیں ڈپٹی کمشنر وہاڑی عرفان علی کاٹھیا نے کوثر مجید سویٹ ہوم کا افتتاح کیا جس کا آغاز 8یتیم بچوں کی کفالت اور تعلیم کی سہو لیات کی فراہمی سے کیا گیا ہے تقریب میں چیئرمین گیس اینڈ آئل پرائیو یٹ لمیٹڈ خالد ریاض کی طرف سے کوثر مجید فاﺅنڈ یشن کو ایک کروڑ روپے کا عطیہ بھی دیا گیا۔
About Author
