خطرناک ڈکیت گینگ کے3ملزم گرفتار،بااثرسیاسی شخصیات کا ملزمان کو چھڑوانے کیلئے پولیس پردباﺅ،ذرائع

بورے والا(چوہدری اصغر علی جاوید سے)پولیس کی کارروائی،خطرناک ڈکیت گینگ کے 3ملزم گرفتار،ملزمان 295ای بی کے قریب لوٹ مار کر رہے تھے،اطلاع ملنے پر پولیس موقع پر پہنچ گئی،ملزمان ڈکیتی اور چوری کی وارداتوں میں مطلوب تھے،بااثرسیاسی شخصیات کا ملزمان کو چھڑوانے کے لئے پولیس پردباﺅ،ذرائع،تفصیلات کے مطابق تھانہ ساہوکا پولیس کو گزشتہ روز اطلاع ملی کی نواحی گاﺅں 295ای بی کے قریب نامعلوم ڈاکو ناکہ لگا کر راہگیروں سے لوٹ مار کر رہے ہیں جس پر تھانہ ساہوکا پولیس کی بھاری نفری کے ہمراہ چھاپہ مارا اور گھیرا ڈال کر لوٹ مار کرنے والے ڈاکوﺅں کے خطرناک گروہ کے تین ارکان کو اسلحہ سمیت گرفتار کر لیا گرفتار کئے گئے ملزمان کی شناخت کارروائی درجنوں وارداتوں میں مطلوب 3رکنی ڈکیت گینگ کو گرفتار کر لیا گیا گرفتار ہونے والے ملزمان کی شناخت مظہر عرف مظہری،اسلام عرف سلامی اور نعیم عرف نعیمی کے نام سے ہو گئی ہے پولیس ذرائع کے مطابق گرفتار ڈکیتی اور راہزنی جیسی مختلف وارداتوں میں پولیس کو مطلوب تھے ملزمان کا تعلق نواحی گاﺅں 233کے بی اور 279ای بی سے بتایا جاتا ہے ذرائع نے یہ بھی بتایا کہ ملزموں ناکہ بندی کرکے شہریوں کو لوٹتے تھے اور مزاحمت کرنے پر گولی مارنے سے بھی گریز نہیں کرتے تھے اور اس ڈکیت گینگ کو بچانے کے لئے مقامی بااثر سیاستدان نے پولیس پر دباﺅ ڈالنا شروع کر دیا ہے اور ان کے خلاف معمولی دفعات کے تحت مقدمہ درج کروانے کی کوشش کی جا رہی ہے اہل علاقہ نے آر پی او ملتان اور ڈی پی او وہاڑی سے ملزموں کو سخت سزا دلوانے کا مطالبہ کیا ہے۔