نومنتخب ایم پی اے اور سابق ایم پی اے کی بلدیہ آمد،چیئرمین اور وائس چیئرمین کے اختلافات کھل کر سامنے آگئے
بورے والا(چوہدری اصغر علی جاوید سے)نومنتخب ایم پی اے اور سابق ایم پی اے کی بلدیہ آمد،چیئرمین اور وائس چیئرمین کے اختلافات کھل کر سامنے آگئے،وائس چیئرمین اور انکے ساتھیوں نے نومنتخب ایم پی اے سردار خالد ڈوگر جبکہ چیئرمین بلدیہ اور انکے ساتھی ارکان نے سابق ایم پی اے ارشاد آرائیں کا استقبال کیا،بلدیہ میں سیاسی محاذ آرائی کا آغاز،تفصیلات کے مطابق چیئر مین بلدیہ چوہدری محمد عاشق آرائیں اور وائس چیئرمین حاجی افتخار بھٹی کے مابین عام انتخابات میں پیدا ہونے والے باہمی اختلافات آج اس وقت کھل کر سامنے آ گئے جب وائس چیئرمین بلدیہ حاجی افتخار احمد بھٹی کے دفتر میں مسلم لیگ(ن) کے نومنتخب ایم پی اے سردار خالد محمود ڈوگر کی اپنے ساتھیوں سمیت آمد پر 11سے زائد کونسلروں نے انکا استقبال کیا جبکہ اس دوران چیئرمین بلدیہ اپنے دفتر میں کونسلرز کے ہمراہ موجود تھے اور انکو ملے بغیر ایم پی اے سردار خالد محمود ڈوگر واپس روانہ ہو گئے تھے انکے واپس روانہ ہونے کے کچھ ہی دیر بعد سابق ایم پی اے چوہدری ارشاد احمد آرائیں بھی بلدیہ بورے والا آن پہنچے اور انکی آمد پر چیئرمین بلدیہ چوہدری محمد عاشق آرائیں کے دفتر میں بھی کونسلروں نے انکا استقبال کیا چوہدری ارشاد احمد آرائیں کی آمد پر جن کونسلروں نے انکا استقبال کیا ان میں رانا شاہد سرور،چوہدری عمران غفور،میاں خالد حسین،سیٹھ اسرار احمد،عبدالجبار بٹ،ملک طلعت حسین،رانا ارشاد احمد،شکیل نواز ڈھلوں،ایاز محمود گھمن،چوہدری محمد علی اور شیخ عمران اسلم شامل تھے جبکہ منتخب ایم پی اے سردار خالد محمود ڈوگر کی آمد پر وائس چیئرمین کے دفتر میں رانا مظہر مختار،حاجی عبد الغفار بھٹی،رانا شاہد سرور،راﺅ غفار علی،ملک رحمت علی،محمد شریف چیمہ،افتخار مٹھو بھٹی،ثناءاللہ رحمانی،محمد جمیل شاہد،سرفراز شریف آرائیں اور شمعون مسیح موجود تھے اس صورتحال کو دیکھ کر چیئرمین اور وائس چیئرمین بلدیہ کے مابین جاری اختلافات کھل کر سامنے آ گئے جس سے بلدیہ بورے والا سیاسی محاذ آرائی کا مرکز بن گیا ہے۔
About Author
