شہر میں نکاسی آب،صفائی اور پینے کے صاف پانی کی فراہمی اولین ترجیح ہے۔خالد محمود ڈوگر

بورے والا(چوہدری اصغر علی جاوید سے)مسلم لیگ(ن) کے نومنتخب ایم پی اے سردار خالد محمود ڈوگر نے کہا ہے کہ شہر میں نکاسی آب،صفائی اور پینے کے صاف پانی کی فراہمی اولین ترجیح ہے،بلدیہ بورے والا سے ملکر شہریوں کو بنیادی سہولتوں کی فراہمی یقینی بنائیں گے،بلدیاتی ادارے عوام کے بنیادی مسائل کے حل اور انہیں سہولیات کی فراہمی میں کلیدی کردار ادا کرتے ہیں ہماری کامیابی نواز شریف کے نظریے کی کامیابی ہے بورے والا کے عوام نے وو ٹ کو عزت دیکر یہ ثابت کیا ہے کہ ووٹ کی عزت کی بدولت ہی ووٹر کی عزت بحال ہو سکتی ہے انتخابات میں بلدیاتی نمائندوں حاجی افتخار احمد بھٹی،حاجی عبدالغفار بھٹی اور انکے دیگر تمام ساتھیوں کی جدوجہد اور دن رات محنت کا ہماری کامیابی میں اہم کردار ہے،عوام سے جو بھی وعدے کیے ہیں انشاءاللہ انہیں ہر ممکن طور پر پورا کریں گے انکی توقعات پر پورا اتریں گے اپنے شہر کو خوبصورت بنانے اور عوام کے مسائل کے حل کیلئے سب کو ساتھ لیکر چلیں گے جن لوگوں نے ووٹ نہیں دیئے انہیں سیاسی انتقام کا نشانہ نہیں بنائیں گے بلکہ تمام ووٹرز کے حقوق کا تحفظ کریں گے،ان خیالات کا اظہار انہوں نے وائس چیئرمین بلدیہ حاجی افتخار احمد بھٹی کے دفتر میں بلدیہ کے کونسلروں اور دیگر نمائندہ شخصیات سے گفتگو کرتے ہوئے کیا ایم پی اے سردار خالد محمود ڈوگر اور ایم این اے چوہدری فقیر احمد آرائیں کے بیٹے محمد اسامہ چوہدری کی بلدیہ آمد پر حاجی محمد افتخار بھٹی کے علاوہ دیگر کونسلرز بلدیہ حاجی عبدالغفار بھٹی،رانا شاہد سرور،رانا مظہر مختار،محمد جمیل شاہد،ثناءاللہ رحمانی،ملک رحمت علی،شمعون مسیح،افتخار احمد مٹھو بھٹی،راﺅ غفار علی،محمد شریف چیمہ،سرفراز شریف،مسلم لیگی راہنما سردار شاہد محمود ڈوگر،ضلعی صدر انجمن تاجران محمد جمیل بھٹی،خان خالد خان اس موقع پر موجود تھے۔