ڈیمز کی تعمیر کیلئے پاکستان کاٹن جنرز ایسوسی ایشن ڈیڑھ کروڑ کی رقم جمع کروائے گی۔میاں جاوید طارق
بورے والا(چوہدری اصغر علی جاوید سے)پاکستان کاٹن جنرز ایسوسی ایشن کے مرکزی سینئر وائس چیئرمین میاں جاوید طارق نے کہا ہے بھارت ایک سازش کے تحت پاکستان دریاﺅں پر ڈیمز بنا کر پاکستان کی زراعت کو تباہ کرنا چاہتا ہے اس کی اس آبی دہشت گردی سے مستقبل میں پاکستان کو پانی کی شدید کمی کا سامنا کرنا پڑے گا جس سے نمٹنے کے نئے ڈیمز کی ہنگامی بنیادوں پر تعمیر کی اشد ضرورت ہے،ان خیالات کا اظہار انہوں اپنے آفس میں میڈیا کے نمائندوں سے گفتگو کرتے ہوئے کیا اس موقع پر حافظ عبیداللہ،میاں محمد شہزاد(چیئرمین)،میاں محمد نجف اور دیگر بھی موجود تھے انہوں نے کہا کہ ملک میں نئے ڈیمز کی تعمیر کے سلسلہ میں چیف جسٹس آف پاکستان میاں ثاقب نثار کی فنڈز جمع کروانے کیلئے بنک اکاﺅنٹ کھلوا دیا ہے وہ ایک قابل تحسین اقدام ہے میاں جاوید طارق نے ملک میں اور دیار غیر میں بسنے والے پاکستانیوں سے بھرپور اپیل کی ہے اور کہا ہے کہ اس قومی فریضہ میں بڑھ چڑھ کر اپنا حصہ ڈالیں اس سلسلہ میں پی سی جی اے نے بھی اپنے جنرل کونسل کے اجلاس میں چیئرمین حاجی محمد اکرم کی طرف سے ڈیمز کی تعمیر کے لیے فنڈ ریزنگ اور فی ممبر 10ہزار روپے دینے کی قرارداد منظور کی ہے اس موقع پر چیئرمین نے دولاکھ،عاشق علی بابر اور انکی طرف سے ایک ایک لاکھ روپے فنڈز میں جمع کروائے گئے انہوں نے کہا کہ پی سی جی اے ڈیڑھ کروڑ روپے کی رقم اکاﺅنٹس میں جمع کروائے گی اور اس قومی فریضہ کیلئے زیادہ سے زیادہ فنڈ ریزنگ کی جائیگی۔
About Author
