بورے والا کے شہریوں اور سول سوسائٹی نے جشن آزادی پر قومی پرچم کے ساتھ ایک پودا لگانے کا فیصلہ کر لیا
بورے والا(چوہدری اصغر علی جاوید سے)بورے والا کے شہریوں اور سول سوسائٹی نے جشن آزادی پر قومی پرچم کے ساتھ ایک پودا لگانے کا فیصلہ کر لیا،سر سبز بورے والا مہم کا آغاز مہم کے دوران 10ہزار سے زائد پودے لگانے کا عزم،بورے والا کی سول سوسائٹی کے ارکان شیخ شہزاد محمود،رانا طاہر کریم،سید سجاد حسین بخاری،میاں طیب شریف،سید زاہد حسین مشہدی،اصغر علی جاوید،محمد شیر خاں کھچی اور دیگر نمائندہ شہریوں نے یوم آزادی پر اپنے شہر کو سر سبز و شاداب بنانے کی ایک خصوصی مہم کا آغاز کر دیا ہے اس مہم کے دوران ہر شہری جشن آزادی کو شایان شان طریقے سے مناتے ہوئے اپنے حصے کا ایک قومی پرچم اور ایک پودا جسکی وہ خود حفاظت بھی کریگے لگانے کا فیصلہ کیا ہے سر سبز بورے والا مہم کے مقصد ماحولیاتی آلودگی کا مقابلہ کرنے کے لیے زیادہ سے زیادہ درخت لگا کر قومی سطح پر ہر پاکستانی کو یہ پیغام پہنچانا ہے تاکہ بورے والا کی طرح ملک بھر میں ہر پاکستانی شہری قومی پرچم اور ملک سے محبت کا ثبوت دیتے ہوئے اپنے حصے کا پودا بھی لگائے بورے والا میں سول سوسائٹی اور نمائندہ شخصیات کی جانب سے 10ہزار نایاب پودے شہریوں میں مفت تقسیم کیے جائیں گے اسکے علاوہ تمام شہری اپنے طور پر گھروں،گلی محلوں اور پبلک مقامات پر پودے بھی لگائیں گے اس مہم کا باقاعدہ افتتاح 14اگست کو ڈی سی وہاڑی عرفان علی کاٹھیا اپنے دستِ مبارک سے کریں گے۔
About Author
